سادق زیباکەلام زیندانى دەکرێت
نوچەنێت
ڕۆژی دووشەممە (12/ئایار/2024) بی بی سی فارسی لە راپۆرتێکدا رایگەیاند، دەزگای دادوەری ئێران رایگەیاندووە، "دوای هەندێک بڕیاری دۆسیەکانی دادگا" سادق زیباکەلام زیندانی کراوە.
زیباکەلام سێ دۆسیەی لە دادگا بە کراوەی هەبوو. تۆمەتەکانی لە دۆسیەی یەکەم و دووەم بە "چالاکی بانگەشە دژی حکومەت" و لە دۆسیەی سێیەمیشدا بە "بڵاوکردنەوەی زانیاری پێچەوانەی واقع" تۆمەتبار کراوە.
زیباکەلام تەمەن (75) ساڵ، لە دۆسیەی یەکەمدا بە "18 مانگ زیندانی" و "دوو ساڵ قەدەغەکردنی چالاکییەکانی ناو حزب، گرووپە سیاسییەکان، ماڵپەڕ و تۆڕەکۆمەڵایەتییەکان" سزادراوە. جگە لەوەش، لە دۆسیەی دووەمدا بە ساڵێک و لە دۆسیەی سێیەمیشدا شەش مانگ سزای زیندانیکردنی بەسەردا سەپاندووە.
زیباکەلام کە مامۆستای خانەنشینی زانکۆی تارانە، یەکێکە لەو کەسایەتیانەی کە هەندێجار مشتومڕ لەسەر کەشی سیاسی و رۆژنامەوانی و لە چاوپێکەوتندا زۆر چالاک بووە.
زیباکەلام لەم دواییانەدا کتێبێکی بە ناوی "بۆچی ئێوە ناگرن و لە کۆتاییدا چی روودەدات؟" بڵاوکرایەوە. بڕیار بوو رۆژی دووشەممە لە مەراسمێکدا لە پێشانگای کتێبی تاران بۆ باسکردن لە ناوەڕۆکی کتێبەکەی بەشدار بێت، بەڵام هەواڵی زیندانی کردنی بڵاوکرایەوە.
جێگەی ئاماژەیە، لە سەردەمی محەممەد رەزا شا-ش بۆ ماوەی سێ ساڵ بە تۆمەتی پەیوەندی لەگەڵ رێکخراوی موجاهدینی خەلق، زیندانی کرا.
ئاژانسی هەواڵی دەسەڵاتی دادوەری ئێران لە روونکردنەوەیدا لەبارەی دەستگیرکردنی زیباکەلام دەڵێت "لە ساڵانی رابردوودا هەوڵیداوە بابەتی ناڕاست لە میدیاکاندا بخاتەڕوو- و بابەتی بێ پشتڕاستکردنەوە و بەڵگەنامەیی جیاوازی لە فەزای ئەلیکترۆنیدا بڵاوکردووەتەوە.
زیباکەلام لەم چاوپێکەوتنێکیدا ئاماژەی بە "داواکارییەکان و داخوازی کەڵەکەبووەکانی ساڵانی پێشوو" وەک هۆکاری سەرەکی ناڕەزایەتی سەرتاسەری، رایگەیاندبوو، کە ئەگەر گشتپرسیی لە ئێران ئەنجام بدرێت "زیاتر لە 70٪ خەڵک" بە کۆماری ئیسلامی "نا" دەڵێن.
ناوبراو ساڵی 2014 لە پێوەندی لەگەڵ دەربڕینی بۆچوونەکانی لەبارەی سیاسەتی ئەتۆمی تاران و شێوازی مامەڵەکردنی دادگا لەگەڵ تۆمەتبارانی دۆسیەی گەندەڵی سێ هەزار میلیارد تمەن بە 18 مانگ زیندانی سزا درا، بەڵام دادگای تێهەڵچوونەوە حوکمەکەی بۆ پێبژاردنی پێنج ملیۆن تمەن گۆڕی.
سەرچاوە: بی بی سی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment