دەیڤید کامیرۆن: سزای زیاتر بەسەر ئێراندا دەسەپێنین
نوچەنێت
ڕۆژی دووشەممە (15/ نیسان/ 2024)، ئێران ئینتەرناشناڵ لە راپۆرتێکدا بڵاویکردەوە، دەیڤید کامیرۆن هێرشە بەرفراوانەکەی ئێران بۆ سەر خاکی ئیسرائیل بە "شکستێکی نزیک لە تەواو" ناوبرد و سەبارەت بە ئیسرائیل گوتی: پێموایە ئەوان بەتەواوی مافی خۆیانە وەڵامی ئەو هێرشانە بدەنەوە، بەڵام وەک دۆست داوایان لێدەکەین کە بە عەقڵ و دڵیان بیربکەنەوە و لە هەمان کاتدا زیرەک و سەرسەخت بن.
کامیرۆن بە بی بی سی گوتووە، کە داوای لە ئیسرائیل کردووە گرژییەکانی رۆژهەڵاتی ناوەڕاست زیاد نەکات.
بە گوتەی بەرپرسانی ئیسرائیل، هێرشی ئێران بۆ سەر ئیسرائیل کە نیوەی شەوی شەممەی رابردوو بە بەکارهێنانی 300 مووشەک و درۆن ئەنجامدرا، زیانێکی کەمی لێکەوتەوە و 99%ی ئەو مووشەکانە خراونەتەخوارەوە.
هێرشەکانی ئێران دوای بەئامانجکردنی بینای کونسوڵخانەی ئێران لە دیمەشق لە ئەنجامدرا و لەو هێرشەدا حەوت فەرماندەی باڵای سەربازی کۆماری ئیسلامی کوژران و ئێران ئیسرائیلی بە تۆمەتباری هێرشەکە ناساند.
وەزیری دەرەوەی بەریتانیا هەروەها بە سکای نیوز-شی گوتووە، لە زۆر رووەوە ئەمە دوو شکستە بۆ ئێران. هێرشەکە نزیکە لە شکستی تەواو - و لە لایەکی دیکەوە بۆ جیهان سەلمێندرا کە کاریگەرییەکی ترسناکیان لە ناوچەکەدا هەیە. بۆیە هیوادارین رووبەڕووبوونەوەیەکی هاوشێوە روونەدات.
کامیرۆن لە بەشێکی دیکەی بەیاننامەکەیدا رایگەیاند، بەریتانیا بە هاوکاری لەگەڵ هاوبەشەکانی، لە سەپاندنی سزای زیاتر بەسەر ئێراندا دەکۆڵێتەوە. دەشڵێت "لە ئێستادا 400 سزامان بەسەر ئێراندا سەپاندووە. پاکێجی نوێی گەمارۆکان لە کۆتایی ساڵی رابردوو جێگیرکرا و سەلماندی کە زۆر کاریگەرە".
وەزیری دەرەوەی بەریتانیا دەڵێت، ئێمه به ته واوی سزای سوپای پاسداران-مان داوە و لەو بارەیەوە تاتوێی رێوشوێنی زیاتر دەکەین، که ئایا سوپای پاسداران، بخرێته نێو لیستی گرووپە قەدەغەکراوەکان یان نا.
سەرچاوە: رادیۆفەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment