ئێران داهاتی هەناردەی کەرەستەی سەربازی بڵاودەکاتەوە
نوچەنێت:
ڕۆژی سێشەممە (14/ تەشرینی دووەم/ 2023) رادیۆ فەردا لە هەواڵێکدا بڵاویکردەوە، جێگری وەزیری بەرگریی کۆماری ئیسلامی لە وتارێکدا لە زانکۆی رەجایی تاران رایگەیاند، کە ئێران لە ساڵی رابردوودا "نزیکەی یەک ملیار دۆلار" هەناردەی کەرەستەی سەربازی هەبووە.
مێهدی فەرحی، جێگری وەزیری بەرگریی ئێران، بەبێ ئاماژەدان بە وردەکاریی هەناردە سەربازییەکانی ئێران، ئاماژەی بەوەدا کە وەزارەتی بەرگری لە "کۆمپانیاکانی دانش بنیان، شارۆچکەکانی پیشەسازی، زانکۆ و شوێنە زانستی و تەکنەلۆژیاییەکان" کەڵک وەردەگرێت و "حەوت هەزار کۆمپانیا" و زیاتر لە "100 هەزار کەس" هاوکاری ئەم وەزارەتە دەکەن.
ئەم بەرپرسە ساڵی ڕابردوو هەناردەکردنی سەربازی ئێرانی بە بڕی "یەک ملیار دۆلار" راگەیاند، لە کاتێکدا سزاکانی ئەنجومەنی ئاسایشی نەتەوە یەکگرتووەکان دژی بەرنامەی مووشەکی ئێران لەسەر بنەمای هەموارکردنەوەی رێککەوتنی ئەتۆمی ئێران (بەرجام)، لە سەرەتای مانگی تشرینی یەکەمی ئەمساڵ کۆتایی هات.
بەڵام حکومەتی ئەمریکانیەکێتی ئەوروپا رایانگەیاند، کە بە سەپاندنی سزای نوێ هەوڵەکانی بۆ مامەڵەکردن لەگەڵ ئەم بەرنامەیە و بەرهەمهێنانی فڕۆکەی بێفڕۆکەوان لە ئێران چڕتر دەکەنەوە.
بەگوێرەی بەڵگەکان و چەندین راپۆرتی هێرشەکانی رووسیا بۆ سەر ژێرخانی سەربازی و مەدەنی ئۆکرانیا بە کەڵک وەرگرتن لە فڕۆکەی بێفڕۆکەوان دروستکراوی ئێران، زۆربەی هەناردەی سەربازی تاران لە ماوەی ساڵ و نیوێکی رابردوودا بۆ مۆسکۆ بووە و لە شەڕی ئۆکرانیادا بەکارهێندراوە.
بەڵام دەسەڵاتدارانی کۆماری ئیسلامی ئێران ئەو هەواڵانەی سەبارەت بە هەناردەکردنی فڕۆکەی بێ فڕۆکەوانی بۆ رووسیا بۆ هێرشکردنە سەر ئۆکرانیا رەتکردەوە و ڕایانگەیاند کە پێش دەستپێکردنی شەڕ لە ئۆکرانیا ژمارەیەکی سنووردار لەو درۆنانەیان بە رووسیا داوە.
سەرچاوە: رادیۆفەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment