له بنكه‌یه‌كى ئه‌تۆمى كێشه‌یه‌ك رووده‌دات و ئێران هۆكاره‌كه‌ى ئاشكرا ناكات
نوچه‌نێت
ئەمڕۆ یەکشەممە ١١ی نیسانی ٢٠٢١، وتەبێژی ڕێکخراوی ئەتۆمی ئێران لە دیمانەیەکدا لەگەڵ ئاژانسی هەواڵی "فارس" نزیک لە سوپای پاسداران وێرای ئاماژەکردن بەوەی ڕووداوێک لە دامەزراوەکانی نەتەنز ڕووی داوە، وتوویەتی "بە خۆشحاڵییەوە ئەو ڕووداوە زیانی مرۆیی و ژینگەیی لێ نەکەوتووەتەوە".
کەمالوەند وردەکارییەکانی ئەو ڕووداوەی ئاشکرا نەکردووە و وتوویەتی دوای لێکۆڵینەوەکان هۆکاری ڕووداوەکە ڕادەگەیێنین.
عەلی ئەکبەر ساڵحی سەرۆکی ڕێکخراوی وزەی ئەتۆمی شەوی ڕابردوو (شەممە) لە دیمانەیەکی تەلەڤزیۆنیدا ڕایگەیاندبوو: چەند مانگ پێش ئێستا دوژمن ناوەندی پێکەوەبەستنی ئامێرەکانی دەرکردنی تەقاندەوە. بەڵام ڕانەوەستاین و ناوەندێکی ترمان بە شێوەی کاتیی کردەوە. ئێستا لەناو دڵی چیاکان و لەنزیک نەتەنز بە شەو و ڕۆژ کار دەکەین و ناوەندە هەستیارەکان دەبەینە ناو چیاکان و هیوادارین ئەو ناوەندانە بۆ ساڵی داهاتوو ئامادە ببن و ئەو دامەزراوانە بگوازینەوە بۆ ئەوێ".
ڕۆژی شەمە ١٠ی نیسان لە ڕۆژی نیشتمانیی وزەی ئەتۆمی لە ئێران، بە فەرمانی حەسەن ڕۆحانی سەرۆک کۆماری ئەو وڵاتە ئامێرە نوێکانی دەرکردن لە ناوەندی پیتاندنی یورانیۆم لە نەتەنز دەستیان بە کار کرد و ئامێری دەرکردنی IR-9 بۆ یەکەم جار تاقی کرایەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment