لە هێرشی ئەمریکا بۆ سەر سوپای پاسداران (9) کەس کوژران
نوچەنێت:
ڕۆژی چوارشەممە (9/ تەشرینی دووەم/ 2023) یۆرۆنیوز لە هەواڵێکدا بڵاویکردەوە، روانگەی سوری بۆ مافەکانی مرۆڤ رایگەیاندووە، نۆ ئەندامی گروپە میلیشیاکانی سەر بە ئێران لە هێرشی ئەمریکا بۆ سەر دێرەزوور لە رۆژهەڵاتی سوریا کوژراون.
رامی عەبدولڕەحمان، سەرۆکی ئەم رێکخراوە ناحکومییە، کە بنکەکەی لە بەریتانیایە و خاوەن تۆڕێکی بەرفراوانی سەرچاوەی هەواڵە، بە ئاژانسی فرانس پرێسی راگەیاند: "ئەم کەسانە لە کاتی هێرشەکانی ئەمریکا بۆ سەر ئەو ناوەندانەی کە گروپە لایەنگرەکانی ئێران بەکاریان دەهێنن کوژران.
لۆید ئۆستین، وەزیری بەرگری ئەمریکا رایگەیاند، هێزی ئاسمانی ئەمریکا لە وەڵامی هێرشەکانی ئەم دواییەی بۆ سەر هێزەکانی ئەمریکا، "کۆگای چەک و تەقەمەنی" لە سوریا کە پەیوەندی بە ئێرانەوە هەیە، کردۆتە ئامانج.
ئۆستین لە بەیاننامەیەکدا دەڵێت: هێزە سەربازییەکانی ئەمریکا هێرشێکی بەرگرییان بۆ سەر ناوەندێک لە رۆژهەڵاتی سوریا کە لەلایەن سوپای پاسدارانی ئێران و تاقمەکانی سەر بە خۆیەوە بەکاردەهێنرا ئەنجامدا.
وەزیری بەرگری ئەمریکا جەختی لەوە کردەوە، کە هێرشەکە "لە وەڵامی زنجیرەیەک هێرشکردنە سەر هێزەکانی ئەمریکا لە عێراق و سوریابووە". هەروەها هۆشداریدا لەوەی ئەمریکا "بە تەواوی ئامادەیە بۆ گرتنەبەری رێوشوێنی زۆرتر" بۆ پاراستنی هێزەکان و دامەزراوەکانی بگرێتەبەر.
لە ماوەی نزیکەی دوو هەفتەدا ئەمە دووەمجارە، کە ئەمریکا پێگەیەک لە سوریا بکاتە ئامانج کە دەوترێت پەیوەندی بە ئێرانەوە هەیە. ئێران پشتیوانی لە کۆمەڵێک گرووپی چەکدار دەکات، کە واشنتۆن بە هۆکاری زیادبوونی هێرشەکان بۆ سەر هێزەکانی لە رۆژهەڵاتی ناوەڕاست دەزانێت.
سەرچاوە: یۆرۆنیوز
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment