سەرۆک کۆماری ئێران سەردانی سعوودیە دەکات ئێران

نوچەنێت:

سەرۆک کۆماری ئێران لە هەفتەی داهاتوو سەردانی سعوودیە دەکات و بە مەبەستی بەشداریکردن لە لوتکەی رێکخراوی هاوکاری ئیسلامی سەبارەت بە فەلەستین کرد.

ڕۆژی سێشەممە (7/ تەشرینی دووەم/2023) رادیۆفەردا لە هەواڵێکدا بڵاویکردەوە، بە پێی میدیاکانی ئێران، ئیبراهیم رەئیسی، سەرۆک کۆماری ئێران لە هەفتەی داهاتوو بە مەبەستی بەشداریکردن لە لوتکەی رێکخراوی هاوکاری ئیسلامی سەبارەت بە فەلەستین سەردانی سعوودیە دەکات.

سعوودیەلە ئێستادا لەلایەک سەرۆکی خوولی سەرۆکایەتی "رێکخراوی هاریکاری ئیسلامی"یە و لەلایەکی دیکەشەوە میوانداری "بارەگای ئەمینداریەتی رێکخراوی هاریکاری ئیسلامی" دەکات.

رێکخراوی هاریکاری ئیسلامی رۆژی رابردوو، لە هەژماری فەرمی خۆی لە تۆڕی کۆمەڵایەتی ئێکس رایگەیاند، کە "لەسەر بانگهێشتی شانشینی سعوودیە وەک سەرۆکی ئێستای کۆنفرانسی ئیسلامی، کۆبوونەوەی نائاسایی ئەم رێکخراوە لەسەر فەلەستین لە رۆژی یەکشەممەی داهاتوو (12ی مانگ) لە شاری ریاز بەڕێوەدەچێت".

رێکخراوی هاوکاری ئیسلامی کە 57 وڵاتی ئیسلامی وەک ئەندامی هەیە، چەندین جار هێرشی ئیسرائیلی بۆ سەر غەززە شەرمەزار کردووە.

حسێن ئەمیرعەبدوڵڵاهیان، وەزیری دەرەوەی ئێران، لەسەردانی ئەم دواییانەی بۆ سعوودیە و لە دیدارێکدا لەگەڵ ئەمینداری گشتیی رێکخراوی هاریکاری ئیسلامی، خوازیاری "راگرتنی هەناردەی نەوتی وڵاتانی ئیسلامی بۆ ئیسرائیل" و "راگرتنی پەیوەندی دیپلۆماسی وڵاتانی ئیسلامی لەگەڵ ئیسرائیل" بوو.

سەردانەکەی سەرۆککۆماری ئێران لە هەفتەی داهاتوو بۆ سعودیە لە کاتێکدا دەبێت، کە پەیوەندییە دیپلۆماسییەکانی نێوان ئێران و ئەو وڵاتە، بۆ ماوەی نزیکەی حەوت ساڵ پچڕا و بە نێوانگیری چین نزیکەی ساڵێکە پەیوەندییەکانیان ئاسایی کردۆتەوە.

سەرچاوە: رادیۆفەردا

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین