ئەمریکا سزای زیاتر بەسەر ئێراندا دەسەپێنێت
نوچەنێت:
لە رۆژی شەممە (4/ تەشرینی دووەم/ 2023) رادیۆفەردا لە راپۆرتێکدا بڵاویکردەوە، رۆژی هەینی ئەنجومەنی نوێنەرانی ئەمریکا پرۆژەیاسایەک کە لە لایەن ئەندامانی هەردوو پارتی دیموکرات و کۆماریخوازەوە پاڵپشتی کرابوو بۆ توندکردنەوەی گەمارۆ نەوتییەکانی سەر کۆماری ئیسلامی ئێران پەسند کرد. ئەو پرۆژە یاسایە "راگرتنی مۆڵەتی ئەو کەشتیانەی نەوتی ئێرانی هەڵدەگرن" لە ئەنجومەنی نوێنەرانی ئەمریکا بە 342 دەنگی بەڵێ لە بەرامبەر 69 دەنگی نەخێر پەسەند کرا.
مایک لاولر، نوێنەری کۆمارییەکان و جيرد مسکوڤیتس، نوێنەری دیموکراتەکان لە بەیاننامەیەکدا رایانگەیاندووە، پلانەکە "هەنگاوێکی گرینگە بۆ رێگریکردن لە بەردەوامی پارەدان لەلایەن ئێرانەوە بۆ تیرۆر لە سەرتاسەری رۆژهەڵاتی ناوەڕاستدا".
لاولر و مسکوڤیت، جەخت لەسەر گرنگی هەوڵدان بۆ لێپرسینەوە لە کۆماری ئیسلامی لە بەرامبەر "کردەوەکانی پشتیوانی لە رێکخراوە تیرۆریستییەکان دەکەن.
ئەو دوو نوێنەرەی کۆنگرێسی ئەمریکا دەڵێن، ئەم پرۆژەیاسایە "پەیامێکی روون و بەهێزە بۆ چین و رووسیا و ئەوانی دیکە، کە یارمەتی ئێران نەدەن بۆ دابینکردنی دارایی تیرۆر، ئەگەرنا رووبەڕووی دەرئەنجامەکانی ئەو جۆرە دەبنەوە".
بۆ ئەوەی ئەم پرۆژەیاسایە ببێتە یاسا، سەرەتا دەبێت لەلایەن ئەنجومەنی پیرانی ئەمریکا و دواتر لەلایەن جۆ بایدن، سەرۆکی ئەمریکاوە پەسند بکرێت.
پەسەندکردنی ئەم پرۆژەیاسایە لە کاتێکدایە کە بە گوتەی کاربەدەستانی کۆماری ئیسلامی سەرەڕای گەمارۆ بەرفراوانەکانی ئەمریکا، فرۆشی نەوتی ئێران لەم ساڵانەی دواییدا زیادی کردووە.
ئاژانسی هەواڵی فەرمی کۆماری ئیسلامی، ئیرنا، لە راپۆرتێکدا رایگەیاند کە "ئێران لە مانگی هەشتی ئەمساڵ، رۆژانە یەک ملیۆن و 700 هەزار بەرمیل نەوتی خاو و 152 هەزار بەرمیل بەرهەمە نەوتییەکانی هەناردە کردووە" و کۆی گشتی هەناردەکردنی نەوت و بەرهەمە نەوتییەکان لەو مانگەدا، رۆژانە 1.85 ملیۆن بەرمیل بووە" و ئەم ژمارە بەرزترین رێژەی هەناردەی نەوتی ئێرانە، لە ماوەی پێنج ساڵی رابردوودا، واتە لەو کاتەوەی ئەمریکا لە رێککەوتنی ئەتۆمی (بەرجام) کشاوەتەوە." لە
سەرچاوە: رادیۆفەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment