رووسیا: سنووردارکردنی ئێران چیتر پێویستى بە ڕەزامەندى نەتەوەیەکگرتووەکان نییە
نوچەنێت:
ڕۆژی چوارشەممە (18/تەشرینی یەکەم/2023) رادیۆ فەردا لە راپۆرتێکدا بڵاویکردەوە، دوينێ رۆژی سێشەممە، رووسیا بەبێ ئەوەی ئاماژە بەوە بکات کە ئایا بەنیازە پشتیوانی لە پەرەپێدانی بەرنامەی مووشەکی تاران بکات لە بەیاننامەیەکدا رایگەیاندووە، "دابین کردنی کەرەستەکانی مووشەکی ئێران، چیتر پێویستی بە رەزامەندی ئەنجومەنی ئاسایشی نەتەوە یەکگرتووەکان نییە".
هاوکات رووسیا داوای لە ئەوروپا و ئەمریکا کردووە، سزاکانیان کە "هەوڵێکە بۆ سزادانی سیاسی تاران"، هەڵبووەشێننەوە و هیچ مانایەکی بۆ "وڵاتانی دیکە کە رێز لە یاسا نێودەوڵەتییەکان و پابەندبوونەکانیان دەگرن" نییە.
بەڵام ئەنجومەنی یەکێتی ئەوروپا رایگەیاند "هۆکاری باوەڕپێکراوی هەیە بۆ هەڵنەگرتنی ئەو سنووردارکردنانە" لە رۆژی چوارشەممە (ئەمڕۆ) هەیە.
ئەم ئەنجومەنە رۆژی سێشەممە لە بەیاننامەیەکدا رایگەیاند، کە ئەم بڕیارە بە پشتبەستن بە بڕگەکانی بڕیارنامەی 2231ی ئەنجومەنی ئاسایشی نەتەوە یەکگرتووەکان و پابەندنەبوونی ئێران بە بەڵێنەکانی لە رێککەوتنی ئەتۆمیدا دراوە.
بەگوێرەی یەکێک لە بڕگەکان، رۆژئاوا لە رێککەوتنە ئەتۆمییەکەدا، بڕیار بوو لە 18ی تەشرینی یەکەمی 2023دا، سزا سەپێندراوەکانی سەر ئێران کە بریتین لە "گەمارۆی مووشەکی و چەک و تەقەمەنی" هەڵبگیرێن.
جۆزێپ بۆرێل، بەرپرسی سیاسەتی دەرەوەی یەکێتیی ئەورووپا، هەینی ڕابردوو لە بەیاننامەیەکدا ڕایگەیاند، هەرسێ وڵاتی بەریتانیا، فەرەنسا و ئەڵمانیا بەنیازی هەڵوەشاندنەوەی گەمارۆی چەک لە دژی کۆماری ئیسلامی ئێران کە بڕیار بوو لە ١٨ی ئۆکتۆبەردا کۆتایی پێبێت، ڕاگەیاند.
لە بەرانبەردا ناسر کەنعانی، گوتەبێژی وەزارەتی دەرەوەی ئێران، ئێوارەی سێشەممە لە گوتارێکدا کە ئەم بڕیارەی بە "تاک لایەنە، نایاسایی و لە رووی سیاسییەوە ناڕەوا" زانینی ئەم بڕیارە دەشڵێت "کارێکی لەو شێوەیە، لەگەڵ بانگەشە و نزیکبوونەوەی یەکێتی ئەوروپا و سێ وڵاتی ئەوروپی، سەبارەت بە پابەندبوون بە جێبەجێکردنی تێکڕای رێککەوتنی ئەتۆمی ناتەبایە".
ئەمیر سەعید ئیروانی، باڵیۆز و نوێنەری هەمیشەیی ئێران، لەنەتەوە یەکگرتووەکان جەختی لەوە کردەوە، کە کۆماری ئیسلامی " بەردەوام دەبێت لە درێژەدان بە چالاکییەکانی خۆی لە بواری مووشەکی بالیستیک و ئامێرەکانی هەڵدان بۆ بۆشایی ئاسمان".
سەرچاوە: رادیۆ فەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment