توركيا رێگەى تاران ــ  بەيرووت دەگرێت تورکیە

نوچەنێت

بەگوێرەى زانيارييەكانى رووانگەى سوورى بۆ مافەكانى مرۆڤ گرووپەكانى چەكدارەكانى (سوپاى نيشتيمانى) كە لە توركيا نزيكن، دەستيان بە گواستنەوەى چەكدارەكانيان بۆ بنكەى تەنەف كردووە، بە ئامانجى شەڕكردن لەگەڵ گرووپە ئێرانييەكان لە رۆژهەڵاتى سووريا و بڕينى رێگەى تاران ــ بەيرووت و كۆنتڕۆڵكردنى سنوورەكانى سووريا ــ عێراق.

سێشەممە (هەشتى/ئاب/ 2023) ماڵپەڕى (رووانگەى سوورى) لە راپۆرتێكدا ئاشكراى كردووە، چەكدارەكانى سوپاى نيشتيمانى شوێنيان دەگوازنەوە نزيك بنكەكانى هاوپەيمانى نێودەوڵەتى. 

ئەوەش لەكاتێدايە گرووپە چەكدارەكانى ئێران دەيان مەتر لە خاڵەكانى پێشەوە لە دەورووبەرى حەلەب و لازقيە و حەما و ئيدليب لە سوپاى نيشتيمانى دوورن، بەڵام ناتوانن بە بێ فەرمانى دەزگاى هەواڵگرى توركيا يەك فيشك بەڕووى گرووپە چەكدارەكانى نزيك لە ئێران بتەقێنن. 

بەگوێرەى ئەو سەرچاوانە، دەزگاى هەواڵگرى توركيا پێش گواستنەوەيان بۆ تەنەف سەرپەرشتى پڕۆسەى هەڵسەنگاندنى تەندروستى و دەورونى و ئامادەكردنى جەستەييان دەكات.

سەرچاوەكانى رووانگەى سوورى جەخت لەسەر ئەوەش دەكەنەوە، چەكدارەكان لە چڵە زەيتوون و قەڵغانى فوڕات و كانى ئاشتى لە رێگەى توركياوە بۆ گەيشتن بە بنكەى تەنەف رەوانە دەكرێن، كە ئەو ناوچانە شوێنى هەژموونى توركيان.

بەگوێرەى ئەو سەرچاوانە ئەو ئەندامە واژۆ لەسەر گرێبەستى شەش مانگ دەكات، دواتريش ئەگەرى درێژكردنەوەى هەيە، لە بەرانبەردا مانگانە مووچەى سەدان دۆلارى وەردەگرن.

روانگەى سووريا ئاماژە بەوەش دەكات سەدان گەنج و شەڕكەر لە باكوورى رۆژئاواى سووريا لە رێگەى گرووپەكانى نزيك لە توركيا ناوى خۆيان تۆماركردووە، وەك دەردەكەوێت ئەوانە خۆشحاڵن پەيوەندى بە بنكەى تەنەفەوە دەكەن بۆ شەڕكردن لەگەڵ گرووپە چەكدارەكان نزيك لە ئێران و بەدەست هێنانى دەستكەوتى دارايى، لە سايەى ئەو دۆخەى خەڵكى باكوورى سوورياى پێدا تێدەپەڕێت. 

بەگوێرەى زانيارييەكانى رووانگەى سوورى لە چوارى ئەو مانگە چەكدارەكان لەسەر دەستى هێزەكانى هاوپەيمانى نێودەوڵەتى لە ناوچەى تەنەف دەستيان بە مەشق كردووە، ئەو ناوچانەش شوێنى هێزەكانى هەسەدەن، سەرچاوەكان جەخت لەسەر ئەوەش دەكەنەوە ئەو چەكدارانە بە شێوەى گرووپى (15) كەسى بە نهێنى دەچنە ناوچەكانى ژێر دەسەڵاتى هەسەدە.

سەرچاوەكان ئاماژە بەوە دەكەن سەدان كەس لە خەڵكى ديرزور و بوكەمال مەيادين كە ناوچەى هەژموونى گرووپە ئێرانييەكانە بە چڕى روويان لە بنكەى تەنەف كردووە كە (55( كيلۆمەتر لە سێگۆشەى سنوورى سووريا ــ عێراق ــ ئوردن دوورە، لەوێوە بە فەرمانى هێزەكانى ئەمەريكا سەرپەرشتى ژماردن و مەشق پێكردنيان دەكرد، بەو ئامانجەى هێرش بكەنە سەر هێزەكانى ئێران لە ناوچەكانى رۆژئاواى فورات، كە شوێنى ئەو چەكدارانەى ناونووسكراون. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین