فاینانشاڵ تایمز: رووسیا کارگەی بەرهەم هێنانی هاوبەشی درۆنی لەگەڵ ئێران دامەزراندووە ئێران

نوچەنێت:

فاینانشیاڵ تایمز دەڵێت، کە ئێران و رووسیا بە دامەزراندنی کارگەیەک لە کۆماری تاتارستانی رووسیا، لە بەرهەمهێنانی گۆڕینی درۆنی مەدەنی بۆ بەکارهێنانی سەربازی هاوکاری دەکەن.

لە راپۆرتێکدا ماڵپەڕی بی بی سی فارسی لە رۆژی پێنجشەممە (6ی تەمموزی 2023) بڵاویکردەوە، کە بەگوێرەی فاینانشیاڵ تایمزی بەریتانی، کۆمپانیای ئالباتروس بە بەشداری رووسیا و ئێران، درۆنی سیخوڕی بۆ وەزارەتی بەرگری رووسیا بەرهەمهێناوە و نزیکەی پەنجا دانەی لە بەرهەمەکانی بۆ شەڕ لە رۆژهەڵاتی ئۆکرانیا، رادەستی سوپای رووسیا کراوە.

بەگوێرەی راپۆرتەکە، ئەم کارگەیە لە ناوەندی هاوبەشی پەرەسەندنی تەکنەلۆجیای رووسیا و ئێرانە، پێشتر رووسیا کردوویەتی بە شوێنی گۆڕینی درۆنی مەدەنی ناوخۆیی بۆ بەکارهێنانی سەربازی. ئەم کارە بۆ بەرەنگاربوونەوەی گەمارۆکانی رۆژئاوا لەدژی ئەو پارچانەی، کە لە درۆنەکانی رووسیا بەکاردەهاتن، ئەنجامدراوە.

کۆمپانیای ئەلباتروس لەبواری تەکنەلۆژیای کشتوکاڵی پسپۆڕە و کارگەیەکی نوێی لە ناوچەیەکی تایبەتی ئابووری ئەلابوگا لە تاتارستان دروستکردووە.

بەگوێرەی فاینانشیاڵ تایمز، کۆمپانیای ئالباتروس خۆی بە دروستکەری درۆن بۆ مەبەستی کشتوکاڵی و نەخشەسازی وەسف کردووە، بەڵام یەکێک لە دامەزرێنەرانی ئەم کۆمپانیایە، لە لێدوانێکیدا باسی لە دابینکردنی ئامێری سەربازیی کردووە.

سەرچاوە: بی بی سی 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین