نوێنەری مهاباد: حکومەت لەگەڵ خەڵک درۆ دەکات
نوچەنێت
جەلال مەحمودزادە نوێنەری مەهاباد لە ئەنجومەنی نوێنەران، بە رەخنەگرتن لە ئەدای سیاسەتی ئابووری حکومەت رایگەیاند: هەموو ئەو ئامارانەی حکومەت لە سەرۆک کۆمارەوە تا وەزیرەکان و تیمی ئابووری بڵاویدەکەنەوە، ناڕاستن.
ناوبراو بە ئاماژەدان بە بانگەشەی ئەم دواییەی ئیبراهیم رەئیسی، سەرۆککۆماری ئێران، کە گوتی "هەڵاوسان لە ژێر کۆنتڕۆڵدایە"، دەڵێت، ئەم بانگەشەیە لەگەڵ راپۆرتی ناوەندی ئاماری ئێران کە سەر بە حکومەتە، یەک ناگرێتەوە و تەنیا چەند بانگەشەیەکی کەمیان هەیە دوای چەند کاتژمێرێک لە لێدوانەکەی رەئیسی، بانکی نێودەوڵەتی رایگەیاند، کە ئێران لەو وڵاتانەیە کە لە یەکەمەکانی هەڵاوسانی خۆراک دایە.
مەحموودزادە ئاماژەی بە ناڕەزایەتییەکان دەکات و دەڵێت، ئەوەی لە خەڵکی شەقام و بازاڕ دەیبیستین، ناڕەزایەتییەکان رەوایە؛ حکومەت راستەوخۆ سەیری چاوی خەڵک دەکات و درۆ دەکات. لە داهاتوودا ئەم درۆیانە تەنانەت بۆ حکومەتەکانی دواتریش کاریگەری نەرێنی زۆریان دەبێت.
ئەم ئەندامەی کۆمسیۆنی کشتوکاڵی پەرلەمان زیاتر گوتی، ئێستاش بەلایەنی کەمەوە نۆ ملیۆن هەلی کارمان لە وڵاتدا لە رێگەی ئینتەرنێتەوە لەدەستداوە و رۆژانە دۆخەکە خراپتر دەبێت، هەروەها هیچ هەلی کارێکی نوێ نەڕەخساوە. گوتیشی، پێشبینی دەکەین لە ساڵی داهاتووەوە چادری خەڵک لەسەر شەقامەکان لە هەموو وڵاتدا زیاد بکات، کاتێک خەڵک پارەی نییە بۆ کرێ بدات.
لە کاتێکدا باس لە هەڵکشانی نرخ و کرێی خانووبەرە باس دەکرێت، بانکی ناوەندی بۆ ماوەی شەش مانگە ئاماری فەرمی نرخ و کرێی خانووبەرەی وەستاندووە، بەبێ ئەوەی هیچ روونکردنەوەیەک پێشکەش بکات.
سەرچاوە: رادیۆ فەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment