"ئەو كاتەی پەیكەرەكەی سەدام كەوت خۆی لەوێ بوو"
نوچه‌نێت
ئەمڕۆ نۆی نیسانی 2023 یادی كەوتنی رژێمی بەعس لە عێراق دەكرێتەوە، كەسێكی نزیك لە سەدام كە بە "خانەنشین" وەسف كراوە و ناوی ئاشكرا نەكراوە بۆ شەرق ئەوسەت باس لەوە دەكات، ئەو كاتەی پەیكەرەكەی سەدام لە لایەن خەڵك و هێزەكانی ئەمریكا خراوەتە خوارەوە، خۆی لەوێ بووە و سەیری رووداوەكانی كردووە، دەشڵێ، "ئەو ئێوارە لە بارەگایەكی نهێنی نزیك یەكەم پرۆسەی بەرەنگاربوونەوەی دژی ئەمریكییەكان رێكخست، بۆیە چەند شوێنێكی هێزەكانی ئەمریكا لەدەوروبەری مزگەوتی ئەبوحەنیفە نعمان لە ئەعزەمیە كرانە ئامانج".
بەگوێرەی زانیارییەكانی ئەو سەرچاوەیە بێت ئەو هێزەی لەگەڵ سەدام بووە" فیدائییەكان" بوون، تەنانەت دەشڵێ، "خەریك بوو سەدام خۆی بەشداری لە هێرشەكە بكات، بەڵام یاوەرەكانی نەیانهێشت".
رۆژی دواتر سەدام بەرەو هیت و دواتر بەرەو فەلوجە رۆیشتووە، لەوێ بە ئامادەبوونی قوسەی كوڕی و بەرپرسانی تری ئەمنی و حزبی كۆبوونەوەیەكی كرتووە و داوای كردووە هێزەكانی ئەمریكا بخرێنە بۆسەوە، دواتر گەڕاوەتەوە بەغدا و لەوێ ملیۆنێك و 250 هەزار دۆلاری لە ژمێریاری دیوانی سەرۆكایەتی وەرگرتووە، بە ئامانجی ئەوەی پرۆسەی بەرەنگاربوونەوەی هێزەكانی ئەمریكا رێكبخات.
لە مانگی ئاداری 2003 هێزەكانی ئەمریكا و بەریتانیا هێرشیان كردە سەر عێراق و لە نۆی نیسانی هەمان ساڵ، رژێمی بەعس كە سەدام سەرۆكایەتی دەكرد رووخا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment