پرۆژەی رەغد مشتومڕی لێدەكەوێتەوە !
نوچه‌نێت
هیچ یەكێك لەم پرسیارانە وەڵامێكی دروستیان نییە، چونكە ئەوەی رەغد لە دیمانەی كەناڵی "مەشهەد" باسی كردووە، زۆر گشتییە و هیچ وردەكارییەكی تێدا نییە، هیچ زانیارییەكیش لەسەر جموجۆڵی كردەیی رەغد نییە كە خەریكی پێكهێنانی رێكخراو و حزب بێت، یان هەنگاوی كردەیی هەبێت.
جگەلە "بەعسیبوون" رەغد بە پاڵپشتی گرووپە توندڕەوەكان تۆمەتبارە
هەفتەی رابردوو رەغد سەدام حوسێن، كچی دیكتاتۆری عێراق لە پرۆگرامی ستۆدیۆی عەرەب لە كەناڵی مەشهەد بەشدار بوو. رەغد لە پرۆگرامەكە سەبارەت بە پرۆژەی سیاسی دەڵێ، "من تەنیا خواستم نییە، بەڵكو ویستێكی بەهێزم هەیە بۆئەوەی بەشێك بم لە قۆناغی داهاتووی نیشتمانی كە بە ئیزنی خودا دوور نییە، من ویستێكی بەهێزم بەو ئاراستەیە هەیە، نەوەك ئارەزوو، چونكە جیاوازی هەیە لەوەی ئارەزووت هەبێت لەگەڵ ئەوەی ویستێكی بەرز و مكوڕت هەبێت. بەڵی من چاودێری شەقام دەكەم و ئەوە بەشێكی گەورەیە لە بایەخەكەم".
رەغد لە بەشێكی تری قسەكانی ئاماژەیەك بە تەرمی باوكی دەكات و دەڵێ، "بە پێشوازییەكی شكۆداری سەربازی دەگەڕێتەوە عێراق". ئەو لێدوانەی رەغد لەبارەی گۆڕی سەدام حوسێن چەند رۆژێك دوای ئەوە دێت، كە مستەفا كازمی سەرۆك وەزیرانی پێشووی عێراق لە دیمانەیەكی لەگەڵ رۆژنامەی شەرق ئەوسەت ئاشكرای كرد بوو، گۆڕەكەی سەدام لەدوای 2012وە هەڵكۆڕدراوە و تەرمەكە لە شوێنی خۆی نەماوە.
ماڵپەڕی كەناڵی حوڕە ئەمڕۆ پێنجشەممە 23ی ئاداری 2023 راپۆرتێكی لەسەر لێدوانەكانی رەغد بڵاوكردووەتەوە و تێیدا ئاماژە بۆ ئەوە دەكات دوو بۆچوونی جیاواز هەیە، یەكەمیان ئەوەیە: لێدوانەكانی رەغد تەنیا كاردانەوەی رابردوو و خواستی كەسییە و هیچ پڕۆژەیەكی جددی لە ئارادا نییە، بەگوێرەی زانیارییە فەرمییەكانیش رەغد لە ساڵی 2018 وە لە لیستی داواكارە بەعسییەكاندایە، بەڵام دەسەڵاتی ئوردن ئامادە نییە رادەستی عێراقی بكات.
چاودێرێكی عێراقی: رەغد تەنیا بۆ بەرژوەندی تاكەكەسی سیاسەت دەكات
هەیسەم هیتی چاودێری سیاسی دەڵێ، "دەركەوتنی رەغد چەندان جارێك لە میدیا جیاوازەكان و خۆدەرخستنی وەك كەسایەتیەكی سیاسی ئایندەیی، تەنیا ئارەزوویەكی تایبەت و خواستێكی كەسییە" هیتی پێیوایە رەغد دەیەوێ ئەو ئارەزووەی لەگەڵ ناڕەزایی خەڵك تێكەڵ بكات كە لەبەرانبەر شكستی سیستەمی سیاسی ئێستا هەیە، بە تایبەتی ئەوانەی كە لایەنگری رژێمی بەعس بوون.
جیا لە پەیوەندی بەعس، پێشتر حكومەتی عێراق رەغدی بەوە تۆمەتبار كردووە، گوایە پاڵپشتی دارایی گرووپە تیرۆریستییە توندڕەوەكان دەكات و ئەویش دووپاتی كردووەتەوە، "لە دوور و نزیك پەیوەندی بەو گرووپانەوە نییە".
ماڵپەڕێكی ئەمریكی: ئایا رەغد وەك بەنەزیر بۆتۆی پاكستان دێتەوە سەر دەسەڵات؟
ماڵپەڕی كەناڵی حوڕەی ئەمریكی باس لەوە دەكات، بۆچوونێكی تر هەیە كە گەڕانەوەی رەغد بە دوور نازانێت، بە تایبەتی دەزانرێت نموونەی لە شێوەی رەغدیش لە مێژوودا هەبووە، لەوانە نموونەی بەنەزیر بۆتۆ لە پاكستان كە ئەو ژنە لە دوای كۆدەتاكەی دژ بە باوكی گەڕایەوە دەسەڵات.
لە كاتێكدا چاودێرێكی سیاسی وەك حەیدەر بەرزنجی پێیوایە لێدوانەكانی رەغد لە بێ ئومێدییەوە سەرچاوەیان گرتووە و تەنیا مەبەستی جاڕسكردنە. هەندێكی تر لەوانە هەیسەم هیتی پێیوایە رەغد دەتوانێ بگەڕێتەوە عێراق، هیتی ئاماژە بۆ ئەوە دەكات لە ساڵانی رابردوو چەندان كەسایەتی سیاسی هەبوون لە عێراق قەدەغەبوون كەچی دواتر گەڕانەوە عێراق. بە تایبەتیش دەزانرێت كە رەغد هیچ بڕیارێكی دادگایی لە دژ نەدراوە و تەنیا تۆمەتبار كراوە.
ئەوەی جێی سەرنج بێت، رەغد باسی لەوە كردووە بە ناوی بەعس دێتە گۆڕەپانی سیاسی عێراق، چاودێرانی سیاسیش بە دووری نازانن رەغد پڕۆژەی سیاسی هەبێت و دەشڵێن نكۆڵی لەوە ناكرێت كە بەعس لە عێراق لایەنگرانی ماوە، بەڵام دووپات لەسەر ئەوە دەكرێتەوە كە ئەگەر رەغدیش ئەو پڕۆژەیەی هەبێت ئەوا تەنیا بۆ بەرژوەندی تاكەكەسی خۆی بەكاری دەهێنێت و مەرج نییە بەگوێرەی خواستی خەڵك بێت.
رەغد سەدام حوسێن لە ساڵی 1968 لەدایكبووە و باوكی بە تۆمەتی چەندان تاوانی گەورەی مرۆیی لە ساڵی 2006 بڕیاری لە سێدارەدانی بۆ درا. رەغد و منداڵەكانی لە ساڵی 2003 وە لە ئوردن لەژێر چاودێری شا عەبدوڵای دووەم شای ئوردن نیشتەجێن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment