پەرلەمانى کوردستان: هێشتا عێراق بە ئەرکى یاسایى خۆى بەرامبەر جینۆسایدکردنى هەڵەبجە هەڵنەستاوە
نوچەنێت:
ئەمڕۆ لە یادى کیمیابارانکردنى هەڵەبجە، پەرلەمانى کوردستان دانیشتنێکى تایبەتى لەسەر ئەم یادە ئەنجام و سەرۆکی لێژنەی کاروباری شەهیدان و قوربانیانی جینۆسایدیش دەڵێت، پێویستە جینۆسایدى هەڵەبجە بە فەرمى بناسرێت و تاوانباران سزا بدرێن.
سوسن محمد میرخان سەرۆکی لێژنەی کاروباری شەهیدان و قوربانیانی جینۆساید و زیندانیانی سیاسی، ڕاپۆرتێکى لەسەر کیمیابارانکردنى هەڵەبجە خستەڕوو و کە تێیدا هاتبوو، لەگەڵ ئەوەى لە ساڵى (2011)وە پەرلەمانى عێراق تاوانى کیمیابارانکردنى هەڵەبجەى بە جینۆسایکردن ناسا، بەڵام هێشتا دەوڵەتى عێراق کە میراتگرى ئەو بەرپرسیاریەتییە و حکوومەتى عێراقى ئەوسا ئەم تاوانەى ئەنجام داوە، بە ئەرکە یاسایى و مرۆڤانەى خۆى کە دەکەوێتە ئەستۆى، پێى هەڵنەستاوە.
سەرۆکی لێژنەی کاروباری شەهیدان و قوربانیانی جینۆساید و زیندانیانی سیاسی، ئەمڕۆ لە دانیشتنى پەرلەمانى کوردستان دواشیکرد، لیژنەیەک دروستبکرێ بۆ دۆزینەوەى هەموو ئەو کەسانەى دەستیان لەو تاوانەدا هەبوو و پاشان ڕاپێچى دادگا بکرێن لە هەر شوێنێک بن، هەروەها دادگاییکردنى هەموو ئەو کۆمپانیانەى دەستیان هەبووە لە دابینکردن و فرۆشتنى پێداویستى و ماددە کیمیاوییەکان بە ڕژێمى سەددامیان فرۆشتووە، هەر لە سەر ئەو بنەمایەش داواى قەرەبووکردنەوەىان لێبکرێت.
ئەوەشى خستەڕوو، بودجەیەک دابین بکرێت لە بودجەى فیدراڵى، بۆ قەرەبووکردنەوەى پارێزگاى هەڵەبجە و گشت بەرکەوتووانى چەکى کیمیاوى لە کوردستان، ڕۆژێکیش دیاری بکرێ وەک ڕۆژى خەمناک لەسەرتاسەرى عێراق.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment