سەرۆک نێچیرڤان بارزانى: داعش له عێراق هێشتا هه‌ڕه‌شه‌یه‌كى ڕاسته‌قینه‌یه
نوچەنێت:
ئەمڕۆ چوارشەممە (14/ئەیلوول/2022) سەرۆک نێچیرڤان بارزانى، سه‌رۆكى هه‌رێمى كوردستان، پێشوازى له شاندێكى په‌رله‌مانتارانى پارتى (SPD)ى په‌رله‌مانى ئه‌ڵمانیا به سه‌رۆكاتیى نیڵس شمید كرد.
سەرۆکایەتیى هەرێمى کوردستان ڕایگەیاند، "له كۆبوونه‌وه‌یه‌كدا كه وه‌زیرى پێشمه‌رگه‌ى حكوومه‌تى هه‌رێمى كوردستان ئاماده‌ى بوو، په‌یوه‌ندییه‌كانى ئه‌ڵمانیا له‌گه‌ڵ عێراق و هه‌رێمى كوردستان، ئه‌ركى هێزه ئه‌ڵمانییه‌كان لە چوارچێوه‌ى هاوپه‌یمانیى نێوده‌وڵه‌تیى دژى داعشدا له عێراق و هه‌رێمى كوردستان، دۆخى سیاسیى عێراق، كێشه‌كانى هه‌ولێر ـ به‌غدا، دۆخى ئابوورى و چالاكییه‌كانى كه‌رتى تایبه‌ت، پرسه‌كانى دیموكراسى، مافى مرۆڤ و ئازادییه‌كان له هه‌رێمى كوردستان، تاوتوێ كران."
سەرۆک نێچیرڤان بارزانى، جەختى لەوەکردەوە، "كه داعش له عێراق و سووریا هێشتا هه‌ڕه‌شه‌یه‌كى ڕاسته‌قینه‌یه و بۆ له‌نابردنى تیرۆر، عێراق و هه‌رێمى كوردستان هێشتا پێویستییان به هاریكاریى و پشتگیریى نێوده‌وڵه‌تى هه‌یه، بۆیه هیواى خواست په‌رله‌مانى ئه‌ڵمانیا له ئۆكتۆبه‌رى داهاتوودا بڕیار له‌سه‌ر درێژكردنه‌وه‌ى ئه‌ركى هێزه‌كانى وڵاته‌كه‌ى له عێراق و هه‌رێمى كوردستان بدات."
هەروەها سەرۆک نێچیرڤان بارزانى، سوپاس و پێزانینى هه‌رێمى كوردستانى بۆ هاریكاریى مرۆیى و سه‌ربازیى ئه‌ڵمانیا بۆ عێراق و هه‌رێمى كوردستان ده‌ربڕى و دووپاتیان كرده‌وه كه "عێراق و هه‌رێمى كوردستان بۆ بره‌ودان به دامه‌زراوه‌كان و دیموكراسى و به‌ره‌وپێشبردنى بنه‌ماكانى مافى مرۆڤ و ئازادییه‌كان، پێویستیان به یارمه‌تیى ئه‌ورووپییه‌كان هه‌یه و ده‌توانن له‌مباره‌وه هاوكار بن."
ئەوەش لە ڕاگەیێندراوەکەدا هاتووە، شاندێكى په‌رله‌مانتارانى پارتى (SPD)ى وێڕاى ده‌ربڕینى پێزانینى وڵاته‌كه‌یان بۆ ڕۆڵى هه‌رێمى كوردستان و قاره‌مانیه‌تیى پێشمه‌رگه له تێكشكاندنى داعش، شاندى میوان "سه‌رسامیى خۆیان به پێشكه‌وتنه‌كان و ئاوه‌دانیى هه‌رێمى كوردستان نیشان دا و خۆشحاڵیى خۆیان ده‌ربڕى كه دواى تێكشكاندنى تیرۆر، پرۆسه‌ى ئاوه‌دانى و وه‌به‌رهێنان ده‌ستى پێكردووه‌ته‌وه. هه‌روه‌ها جه‌ختیان له دۆستایه‌تى و هاوبه‌شیى ئه‌ڵمانیا له‌گه‌ڵ عێراق و هه‌رێمى كوردستان كرده‌وه و ئارامى و سه‌قامگیریى عێراقیان بۆ ناوچه‌كه به‌گشتى به گرنگ زانى."
هه‌ماهه‌نگیى نێوان سوپاى عێراق و پێشمه‌رگه، دۆخى ناوچه‌كه به‌گشتى و چه‌ند پرسێكى دیكه‌ى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوون.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment