سه‌در: كه‌وتنى ده‌سه‌ڵاتى ئێستا به دڵى ئه‌مریكا نییه
.jpg)
نوچه‌نێت
ئه‌مڕۆ چوارشه‌ممه 24/ئاب/2022 ساڵح محه‌مه‌د عێراقى كه گوایه كه‌سێكى نزیك له موقته‌دا سه‌درى رێبه‌رى ره‌وتى سه‌دره و به "وه‌زیرى سه‌در" ناسراوه، په‌یامێكى بڵاوكردووه‌ته‌وه و باس له رووداوه‌كانى دوێنێ ده‌كات كه له ئه‌نجامى خۆپیشاندانى لایه‌نگرانى ره‌وتى سه‌در، ئه‌نجومه‌نى باڵاى دادوه‌رى له عێراق كاره‌كانى خۆى بۆ ماوه‌یه‌كى كاتى وه‌ستاند و دواى ناڕه‌زاییه‌كى ناوخۆیى و ده‌ره‌وه، ده‌ستى به‌كاره‌كانى كرده‌وه.
ساڵح محه‌مه‌د عێراقى له تویتێكدا ئه‌مڕۆ باس له چه‌ند هۆكارێك ده‌كات كه گوایه له‌پشت به‌رزبوونه‌وه‌ى ده‌نگى ناڕه‌زایى بوون، ساڵح عێراقى ده‌ڵێ، "كه‌ڕه‌ناى ده‌سه‌ڵات له‌به‌رانبه‌ر شۆڕش به‌رزبووه‌وه، له وتارێكى داهاتوو ئاشكرایان ده‌كه‌م، ئه‌گه‌ر چاودێرى بارودۆخه‌كه نه‌كه‌ن".
دواتر باس له حه‌وت هۆكار ده‌كات، كه وایانكرد ناڕه‌زایى له دژى خۆپیشاندانى لایه‌نگرانى سه‌در له‌به‌رده‌م ده‌سه‌ڵاتى دادوه‌رى ده‌رببڕێت. هۆكاره‌كانیش به‌م شێوه‌یه‌یه، "له‌وه ترسان دادوه‌رى دۆسیه‌كانیان ئاشكرا بكات، وایانزانى خۆپیشانده‌ران هه‌ڵده‌كوتنه سه‌ر ئه‌نجومه‌نى دادوه‌رى و دۆسیه‌كانییان ده‌كه‌وێته به‌رده‌ست ئه‌و كاتیش ئابڕووى هه‌موویان ده‌چوو، چوارچێوه‌ى هاوئاهه‌نگى دادوه‌رى به پارێزه‌رى خۆى ده‌زانێت و ئه‌گه‌ر ئه‌و نه‌بێت بوونى نامێنێ، كه‌وتنى ده‌سه‌ڵاتى ئێستا به دڵى هه‌ندێك لایه‌ن نییه له‌وانه باڵیۆزخانه‌ى ئه‌مریكا، كه‌وتنى گه‌نده‌ڵى له دادوه‌رى عێراق ماناى ئه‌وه‌یه شۆڕشى گه‌نده‌ڵى وه‌ك ئه‌وان له‌ناو ده‌بات، دادوه‌رى به سه‌ر ده‌زانن كه‌وتنى سه‌ره‌كه‌یش كه‌وتنى ترى به‌دوا دێت" له خاڵى كۆتاییش ده‌ڵێ، "ئه‌وه‌ى زۆر نیگه‌رانى كرد داواى ده‌ستله‌كاركێشانه‌وه‌ى فایق زێدانى سه‌رۆكى ئه‌نجومه‌نه‌كه بوو، كه گه‌وره‌ترین پاڵپشتى چوارچێوه‌ى هاوئاهه‌نگییه".
دواى ئاشكراكردنى ئه‌و هۆكارانه وه‌زیره‌كه‌ى سه‌در باس له‌وه ده‌كات، ئه‌و خۆپیشاندان و مانگرتنه‌ى دوێنێ له‌به‌رده‌م ئه‌نجومه‌نى دادوه‌رى ئه‌نجامیان دا، چه‌ند ئه‌نجامێكى هه‌بوو له‌وانه، "ئه‌و فشاره نێوده‌وڵه‌تییەی نه‌هێشت كه بۆ گفتوگۆكردن له‌گه‌ڵ گه‌نده‌ڵكاران ده‌كران، دادگا بۆ خۆدوورگرتن له مانگرتنێكى تر هه‌ندێك دۆسیه‌ى گه‌نده‌ڵى ئاشكرا ده‌كات، ئاشكرابوونى هه‌ندێك لایه‌ن كه بانگه‌شه‌ى بێلایه‌نیان ده‌كرد، لووت شكاندنى گه‌نده‌ڵكاران بوو، راگه‌یاندنى وه‌ستاندنى كاره‌كانى ئه‌نجومه‌نى دادوه‌رى ناده‌ستوورى بوو، ده‌ركه‌وت گه‌نده‌ڵى له دادگایش هه‌یه".
له‌كۆتاییشدا وه‌زیره‌كه‌ى سه‌در ده‌ڵێ، "ئه‌گه‌ر هه‌نگاوه‌كه سه‌ركه‌وتوو بێت یان شكستخواردوو، ئه‌وا هه‌نگاوی تریش ده‌نێین كه به خه‌یاڵیان نایه‌ت".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment