سەرۆک نێچیرڤان بارزانى: یه‌كڕیزیى لایه‌نه سیاسییه‌كانى کورد له به‌غدا پێگه‌ى هه‌رێمى كوردستان به‌هێز ده‌كات
نوچەنێت:
ئەمڕۆ چوارشەممە (9/ئادار/2022) سەرۆک نێچیرڤان بارزانى، سه‌رۆكى هه‌رێمى كوردستان پێشوازى کرد له ماتیو توله‌ر باڵیۆزى ئه‌مه‌ریكا له عیراق و جۆن برینان فه‌رمانده‌ى هێزه‌كانى هاوپه‌یمانان له عیراق و سووریا، جینیفه‌ر گاڤیتۆ یاریده‌ده‌رى وه‌زیرى ده‌ره‌وه بۆ كاروبارى عیراق و ئێران، ئیتان گۆڵدریچ یاریده‌ده‌رى وه‌زیرى ده‌ره‌وه بۆ كاروبارى وڵاتانى سووریا، لوبنان و ئوردن، مات پێرل نوێنه‌رى تایبه‌تى ئه‌مه‌ریكا بۆ كاروبارى سووریا و ژماره‌یه‌ك له به‌رپرسانى و سیاسى و دیپلۆماسى و كونسولى گشتیى ئه‌مه‌ریكا له هه‌ولێر پێكهاتبوو.
سەرۆکایەتیى هەرێمى کوردستان لە ڕاگەیێندراوێکدا دەڵێت، "له كۆبوونه‌وه‌یه‌كدا دوایین پێشهاته‌كانى پرۆسه‌ى سیاسى، دۆخى ئه‌منیى عیراق، مه‌ترسییه‌كانى سه‌رهه‌ڵدانه‌وه‌ى داعش له عیراق و سووریا، په‌یوه‌ندییه‌كانى ئه‌مه‌ریكا له‌گه‌ڵ عیراق و هه‌رێمى كوردستان، بڕیارى دادگا‌ى باڵاى فیدرالیى عیراق ده‌رباره‌ى كه‌رتى نه‌وت و گاز له هه‌رێمى كوردستان، چاكسازییه‌كانى وه‌زاره‌تى پێشمه‌رگه و دۆخى ناوخۆى هه‌رێمى كوردستان تاوتوێ كران."
هەروەها شاندەکە ئەمەریکییەکە، پابه‌ندیى وڵاته‌كه‌یان "بۆ بره‌ودان به په‌یوه‌ندییه‌كانى له‌گه‌ڵ عیراق و هه‌رێمى كوردستان و كارى هاوبه‌شى نێوانیان دووپات كرده‌وه و هاریكارى و هه‌ماهه‌نگیى نێوان پێشمه‌رگه و سوپاى عیراقیان بۆ به‌ره‌نگاربوونه‌وه‌ى داعش به پێویست و گرنگ له قه‌ڵه‌م دا."
لە بەشێکى ترى ڕاگەیێندراوەکەى سەرۆکایەتیى هەرێمدا هاتووە، "هه‌ردوولا هاوڕا بوون كه ته‌بایى و یه‌كڕیزیى لایه‌نه سیاسییه‌كانى هه‌رێمى كوردستان له به‌غدا، پێگه‌ى هه‌رێمى كوردستان به‌هێز ده‌كات و به‌رژه‌وه‌ندییه‌كانى باشتر ده‌پارێزێت."
هەروەها سەرۆک نێچیرڤان بارزانى، "سوپاسى پشتگیرى و هاوكارییه‌كانى ئه‌مه‌ریكاى بۆ عیراق و هه‌رێمى كوردستان كرد و جه‌ختى له خواستى هه‌رێمى كوردستان بۆ چاره‌سه‌كردنى كێشه‌كان له‌گه‌ڵ به‌غدا به گفتوگۆ و له‌سه‌ر بنه‌ماى ده‌ستوور دووپات كرده‌وه."
پرسى ئازادییه‌كان و مافه‌كانى مرۆڤ و دۆخى ئافره‌تان له هه‌رێمى كوردستان، دوایین پێشهاته‌كانى دۆخى سووریا و ناوچه‌كه به‌گشتى و چه‌ند پرسێكى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment