ئەمەریکا سوپاسى ڕۆڵى سەرۆک نێچیرڤان بارزانى دەکات له پرۆسه‌ى چاكسازى و یه‌كخستنه‌وه‌ى پێشمه‌رگه‌دا
نوچەنێت:
ئەمڕۆ سێشەممە (یەکى/ئازار/2022)، سەرۆک نێچیرڤان بارزانى، سەرۆکى هەرێمى کوردستان لەگەڵ جەنەراڵ کیس فلپس، بەرپرسى باڵاى سەربازى و بەرپرسى نووسینگەى هاریکاریى ئەمنیى ئەمەریکى لە عیراق کۆبووەوە، کە تێیدا "به‌ره‌نگاربوونه‌وه‌ى مه‌ترسییه‌كانى داعش تاوتوێ كران و جه‌خت له گرنگیى هاریكارى و هه‌ماهه‌نگیى نێوان پێشمه‌رگه و سوپاى عیراق كرایه‌وه، به‌تایبه‌تیش له‌و ناوچانه‌ى بۆشاییى ئه‌منى تێدایه."
سەرۆکایەتیى هەریمى کوردستان لە ڕاگەیێندراوێکدا دەڵێت، "باس له دوایین هه‌نگاوه‌كانى پرۆسه‌ى چاكسازى له وه‌زاره‌تى پێشمه‌رگه كرا و هه‌ردوولا هاوڕا بوون له‌سه‌ر گرنگیى یه‌كخستنه‌وه‌ى پێشمه‌رگه و به‌رده‌وامیى پشتگیریى ئه‌مه‌ریكایان بۆ پرۆسه‌كه و بۆ پێشكه‌شكردنى مه‌شق و ڕاهێنان به پێشمه‌رگه به پێویست زانى."
دەشڵێت، "شانده‌كه سوپاسى ڕۆڵى سه‌رۆك نێچیرڤان بارزانییان له پرۆسه‌ى چاكسازى و یه‌كخستنه‌وه‌ى پێشمه‌رگه‌دا كرد."
هەروەها شانده ئه‌مه‌ریكییه دووپاتى كرده‌وه كه "به‌ره‌نگاربوونه‌وه و تێكشكاندنى داعش بۆ ئه‌مه‌ریكا كارى له‌پێشینه‌یه و له‌مپێناوه‌شدا له نزیكه‌وه له كاركردن له‌گه‌ڵ هاوبه‌شه‌كانى له عیراق و هه‌رێمى كوردستان و ناوچه‌كه به‌رده‌وام ده‌بێت، خۆشحاڵیى خۆیشیان به هاوكاریى پێشمه‌رگه و سوپاى عیراق ده‌ربڕى."
تەوەرێکى دیکەى کۆبوونەوەکە، گفتوگۆ لەسەر"په‌یوه‌ندییه‌كانى هه‌ولێر ـ به‌غدا، مه‌ترسى و هه‌ڕه‌شه‌كانى داعش له سووریا و دۆخى كه‌مپى ئه‌لهۆل له سووریا، دوایین پێشهاته‌كانى دۆخى شه‌ڕ له ئۆكرانیا"كراوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment