وەزیری بەرگریى ئەڵمانیا: سوپاس بۆ ڕۆڵ و قوربانییه‌كانى پێشمه‌رگه له تێكشكاندنى داعشدا
نوچەنێت:
ئێوارەى ئەمڕۆ یەکشەممە (9/کانوونى دووەم/2022)، سەرۆک نێچیرڤان بارزانى، سەرۆکى هەرێمى کوردستان، پێشوازى له كریستینه لامبرێشت وه‌زیرى به‌رگریى ئه‌ڵمانیا و سه‌رۆكى لیژنه‌ى به‌رگریى له په‌رله‌مانى ئه‌ڵمانیا.
سەرۆکایەتیى هەرێمى کوردستان لە ڕاگەیێندراوێکدا دەڵێت، "له كۆبوونه‌وه‌یه‌كەدا په‌یوه‌ندییه‌كانى ئه‌ڵمانیا له‌گه‌ڵ عیراق و هه‌رێمى كوردستان و بواره‌كانى هاوبه‌شى و هاریكاریى نێوانیان، دوایین پێشهاته‌كانى به‌ره‌نگاربوونه‌وه‌ى تیرۆر و مه‌ترسییه‌كانى داعش، پێداچوونه‌وه به ئه‌ركى هێزه‌كانى ئه‌ڵمانیا له عیراق و دۆخى ناوچه‌كه به‌گشتى تاوتوێ كران."
سه‌رۆك نێچیرڤان بارزانى سه‌ردانه‌كه‌ى لامبرێشت له‌م قۆناغه هه‌ستیاره‌ى عیراقدا به گرنگ له قه‌ڵه‌م دا، "هه‌روه‌ها سوپاسى ئه‌ڵمانیاى كرد بۆ پشتگیریكردنى عیراق و هه‌رێمى كوردستان له شه‌ڕى دژى تیرۆردا، جه‌ختى له‌وه‌ش كرده‌وه كه هه‌ڕه‌شه‌ى داعش كۆتایى نه‌هاتووه و نه‌هێشتنى تیرۆر ته‌نیا له رێى سه‌ربازییه‌وه نابێت، به‌ڵكوو هه‌نگاوى سیاسیشى پێویسته."
سەرۆکى هەرێمى کوردستان، لە بەرامبەر پشتگیری سیاسى وسەربازییەکانى ئەڵمانیا بۆ هەرێمى کوردستان به‌تایبه‌تى یارمه‌تیى مرۆیى بۆ لێقه‌وماوان و قوربانییانى شه‌ڕ له هه‌ردوو پێكهاته‌كانى ئێزدى و كریستیان، "سوپاسى گه‌ل و حكوومه‌ت و په‌رله‌مان و ڕۆڵى ئه‌ڵمانیاى كرد."
هەروەک لە ڕاگەیێندراوەکەى سەرۆکایەتیى هەرێم دا هاتووە، "لامبرێشت وێڕاى دووپاتكردنه‌وه‌ى به‌رده‌وامیى پشتگیریى وڵاته‌كه‌ى بۆ عیراق و هه‌رێمى كوردستان، گه‌شبینیى خۆى به داهاتووى كارى هاوبه‌ش و پێكه‌وه‌یى له‌گه‌ڵ عیراق و هه‌رێمى كوردستان ده‌ربڕى و سوپاس و پێزانینى ئه‌ڵمانیاى بۆ ڕۆڵ و قوربانییه‌كانى پێشمه‌رگه له ڕووبه‌ڕووبوونه‌وه و تێكشكاندنى داعشدا، دووپات كرده‌وه."
دەشڵێت، دۆخى ئاواره و په‌نابه‌ران له هه‌رێمى كوردستان، جموجۆڵى داعش له سووریا، ڕه‌وشى كه‌مپى ئه‌لهۆڵ و چه‌ند بابه‌تێكى جێى بایه‌خى هاوبه‌ش، ته‌ورێكى دیكه‌ى كۆبوونه‌كه بوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment