ئیحسان شه‌مه‌رى: حكومه‌تى داهاتوو به شه‌ش مانگ ده‌كه‌وێت
نوچه‌نێت
ئه‌مڕۆ یه‌كشه‌ممه 14ى تشرینى دووه‌م "نۆڤێمبه‌ر" ئیحسان شه‌مه‌رى سه‌رۆكى سه‌نته‌رى هزرى سیاسى و چاودێرى سیاسى به‌ناوبانگى عێراق له لێدوانێكى كه له ماڵپه‌ڕى به‌غداد توده‌ى بڵاوكراوه‌ته‌وه، پێشبینى شكستى حكومه‌تى نوێ ده‌كات له حاڵه‌تێكدا ئه‌گه‌رهاتوو حكومه‌ته‌كه ته‌وافووقى بێت.
شه‌مه‌رى ده‌ڵێ، "ئه‌گه‌رهاتوو حكومه‌تى داهاتوو به‌گوێره‌ى سیسته‌مى ته‌وافووقى پێكهات، ئه‌وا لایه‌نه سیاسییه‌كان له‌به‌رده‌م ئاڵه‌نگارییه‌كى گه‌وره ده‌بن، ئه‌ویش گه‌لى عێراقه، ته‌وافووق واته‌ى ئه‌وه‌یه وه‌زاره‌ته‌كان و پله تایبه‌ته‌كان دابه‌ش بكرێن، ئه‌مه‌یش وا ده‌كات جه‌ماوه‌ر رووبه‌ڕووى ببێته‌وه و دواجاریش ده‌كه‌وێت".
به بڕواى ئه‌و چاودێره ئه‌گه‌ریش حكومه‌تى زۆرینه‌یش بێت ئه‌وا رووبه‌ڕووى ئاسته‌نگى تر ده‌بێته‌وه، ئه‌ویش نه‌یاره‌كانى پێكهێنانى حكومه‌تى زۆرینه‌ن، كه چه‌ك به‌ده‌ستن، كه به‌ربه‌ست بۆ حكومه‌ته‌كه دروست ده‌كه‌ن. لێره‌دا به بڕواى ئه‌و له‌م حاڵه‌ته‌دا دوو فشار ده‌كه‌وێته سه‌ر حكومه‌ت، یه‌كه‌میان لە لایەن ناڕه‌زاییه‌كان لە شێوازەکە، دووه‌میان جه‌ماوه‌ر كه داواى جێبه‌جێكردنى داواكارییه‌كانیان ده‌كه‌ن.
له‌كۆتایى قسه‌كانى پێیوایه بارودۆخى ئێستا له بارودۆخى پێشوو نه‌گۆڕاوه بۆیه له زۆربه‌ى حاڵه‌ته‌كاندا حكومه‌تى نوێ به ماوه‌یه‌كى كه‌م به‌ره‌و رووخان ده‌چێت، شه‌مه‌رى ده‌ڵێ، "مانگى هه‌نگوینى حكومه‌تى داهاتوو شه‌ش مانگ ده‌بێت و ته‌واو ده‌بێت".
له تشرینى یه‌كه‌مى ساڵى 2019 كه ئه‌و كات ته‌مه‌نى حكومه‌تى عادل عه‌بدولمه‌هدى ته‌نیا ساڵێك بوو، به‌ر فشارى جه‌ماوه‌ر كه‌وت و ناچار بوو له سه‌ره‌تاى مانگى كانوونى یه‌كه‌مى هه‌مان ساڵ ده‌ستله‌كاركێشانه‌وه پێشكه‌ش بكات و هه‌ر چه‌نده شه‌ش مانگ دواتر حكومه‌تى كاتى به سه‌رۆكایه‌تى كازمى پێكهات، به‌ڵام تا ئێستا عێراق له ته‌نگژه‌یه‌كى قووڵى سیاسیدایه
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment