میدیاپارتى فڕه‌نسى: 500 ملیار دۆلار له‌ عێراق دزراوه‌ کوردستان- عێراق

نوچه‌نێت

به‌گوێره‌ى راپۆرتێكى ماڵپه‌ڕى میدیاپارتى فڕه‌نسى له‌دواى كه‌وتنى رژێمى به‌عسه‌وه‌ تا ئێستا 500 ملیار دۆلار له‌ سامانى عێراق له‌لایه‌ن گه‌نده‌ڵكارانه‌وه‌ دزراوه‌ و ته‌نیا سێ ملیار دۆلارى بۆ گه‌نجێنه‌ ده‌وڵه‌ت گه‌ڕاوه‌ته‌وه‌.

میدیاپارت MEDIAPART له‌ راپۆرتێكدا كه‌ ئه‌مڕۆ چوارشه‌م 17 ى شوبات، پوخته‌یه‌كى له‌ماڵپه‌ڕى كه‌ناڵى جه‌زیره‌ بڵاوكراوه‌ته‌وه‌، باس له‌ دوو ته‌وه‌رى سه‌ره‌كى  قه‌یرانه‌كانى عێراق ده‌كات.

یه‌كێكیان تایبه‌ته‌ به‌ میلیشیاكان كه‌ به‌ بڕواى ماڵپه‌ڕه‌كه‌ میلیشیاكانى شیعه‌ له‌ عێراق ده‌سه‌ڵاتیان به‌سه‌ر شه‌قام هه‌یه‌ و یاسا داده‌نێن و ده‌سه‌ڵات پۆلیس و سوپایان هه‌یه‌.

له‌ كۆى 500 ملیار ته‌نیا سێ ملیارى دزراو
بۆ گه‌نجینه‌ى ده‌وڵه‌ت گه‌ڕاوه‌ته‌وه‌
 


له‌ ته‌وه‌رێكى تر باسى گه‌نده‌ڵى ده‌كات و ده‌ڵێ له‌ دواى كه‌وتنى رژێمى به‌عسه‌وه له‌ ساڵى 2003‌ تا ئێستا نزیكه‌ى 500 ملیار دۆلار دزراوه. زانیارییه‌كانیش له‌ ده‌سته‌ى ده‌ستپاكى عێراق وه‌رگیراوه‌ و دووپات له‌سه‌ر ئه‌وه‌یش كراوه‌ته‌وه‌ حكومه‌تى عێراق تا ئێستا توانیویه‌تى ته‌نیا سێ ملیار دۆلار بۆ گه‌نجینه‌ى ده‌وڵه‌ت بگێڕێته‌وه‌.

راپۆرته‌كه‌ باس له‌وه‌ ده‌كات 18 ساڵه‌ گه‌نده‌ڵى عێراقى تووشى داخوڕان كردووه‌ و قوربانى سه‌ره‌كى ئه‌م دیارده‌یه‌یش خه‌ڵكه‌كه‌یه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین