به پێچه‌وانه‌ى جاران شیڤرۆن ده‌یه‌وێ له ناسه‌قامگیرى عێراق سوودمه‌ند بێت
نوچه‌نێت
ئه‌مڕۆ چوارشه‌ممه 10ى تشرینى دووه‌م "نۆڤێمبه‌ر" رۆژنامه‌ى عه‌ره‌ب له راپۆرتێكدا باس له‌وه ده‌كات كۆمپانیاى شیڤرۆنى ئه‌مریكى سه‌ركێشى ده‌كات و بڕیارى داوه بۆ پڕۆژه‌یه‌كى مه‌زن له بوارى نه‌وت و گاز بگه‌ڕێته‌وه عێراق.
رۆژنامه‌كه پێیوایه كۆمپانیا ئه‌مریكییه‌كان تێڕوانینیان گۆڕیوه و سه‌ركێشى قبووڵ دەكه‌ن له وڵاتێكدا کار دەکەن كه سه‌قامگیریى له ده‌ست داوه، یانیش سه‌قامگیریى له‌و ئاسته نییه كه كۆمپانیایه‌كى وه‌ك شیڤرۆن خوازیاریه‌تى.
وه‌ك ده‌زانرێت پێشتر ئه‌و كۆمپانیایانه له بارودۆخى ناسه‌قامگیر بڕیارى كشانه‌وه‌یان ده‌دا، به‌ڵام ئه‌مجاره چى وا ده‌كات كۆمپانیاكان به‌م شێوه‌یه هه‌ڵسوكه‌وت بكه‌ن؟
به نه‌وتى عێراق ئه‌مریكا رووبه‌ڕووى یارییه‌كانى سعوودیه و رووسیا ده‌بێته‌وه
رۆژنامه‌ى عه‌ره‌ب وه‌ڵامى ئه‌م پرسیاره ده‌داته‌وه و دووپات له‌سه‌ر ئه‌وه ده‌كاته‌وه ئامانجێكى ستراتیژى و دوورمه‌ودا له لایه‌ن كۆمپانیا ئه‌مریكییه‌كانه‌وه هه‌یه كه په‌یوه‌سته به بازاڕى وزه‌وه، رۆژنامه‌كه ده‌ڵێ، "ئه‌و نه‌وت و گازه‌ى ئه‌و كۆمپانیا ئه‌مریكیه‌كه له عێراق به‌رهه‌میان ده‌هێنێ، ده‌كرێت له داهاتوودا ره‌گه‌زێكى هاوسه‌نگیى بن له بازاڕى نه‌وت، به‌شدار بن له شكاندنى سه‌ركردایه‌تى دوو قۆڵى سعوودى- رووسى به سه‌ر ئۆپێك پڵه‌س، كه ئه‌م دووانه به پێچه‌وانه‌ى ئامانجه‌كانى ئه‌مریكا به‌سه‌ر بڕى خسته‌ڕووى نه‌وت و به‌رزكردنه‌وه‌ى نه‌وت زاڵن".
وه‌ك ده‌رده‌كه‌وێت ئه‌م ئامانجه ته‌نیا په‌یوه‌ندى به وزه‌وه هه‌یه، به‌ڵام چاودێرانى سیاسى باس له‌وه ده‌كه‌ن به دوور نازانرێت ئامانجى سیاسین له پشت گه‌ڕانه‌وه‌ى شیڤرۆن بێت، له راپۆرته‌كه‌ى عه‌ره‌ب هاتووه، "پڕۆژه‌یه‌كى له‌م شێوه‌یه دووپات له‌سه‌ر ئه‌وه ده‌كاته‌وه ئه‌مریكییه‌كان كه له 2003 به داگیركردنى عێراق سه‌ركێشیان كردووه، ته‌نیا به هۆى ئاڵنگارییه‌كى ئه‌منى و ململانێیه‌كى سیاسى كه ئێران ده‌یجولێنێت به ته‌واوى واز له عێراق ناهێنن".
عێراق یه‌ده‌گێكى بێشومارى نه‌وت و گازى هه‌یه، به‌گوێره‌ى ئۆپیك به دووه‌م به‌رهه‌مهێنه‌رى وڵاتى ناو رێكخراوه‌كه دێت.
دوێنێ حكومه‌تى عێراق رێگه‌پێدانى دایه كۆمپانیاى نه‌وتى نیشتیمانى عێراق، بۆئه‌وه‌ى دانوستاندنى راسته‌وخۆ له‌گه‌ڵ كۆمپانیاى شیڤرۆن ئه‌مریكى بكات بۆ پێشخستنى چوار پانتایى نه‌وتى له باشوورى عێراق به دیاریكراوى له شارى ناسرییه "زیقار" به ئامانجى ئه‌وه‌ى له ماوه‌ى حه‌وت ساڵ 600 به‌رمیل نه‌وتى رۆژانه به‌رهه‌مبهێنێت.
حكومه‌تى عێراق كۆمپانیاى نه‌وتى نیشتیمانى له دانوستاندن سه‌رپشك ده‌كات
وه‌زاره‌تى نه‌وتى عێراق به فه‌رمى رێگه‌پێدانه‌كه‌ى ئاشكرا كردووه و به‌ڵام باسى له‌وه نه‌كردووه كه‌ى دانوستاندنه‌كه ده‌ستپێده‌كات، له راگه‌یێندراوه‌كه‌ى وه‌زاره‌تى نه‌وت هاتووه، "ئومێد هه‌یه ئه‌م جۆره پرۆژانه به‌رده‌وامى به به‌رهه‌مى نیشتیمانى بدات و به‌هێزی بكات، هه‌روه‌ها ببێته هۆى بووژاندنه‌وه‌ى ژێرخانى ئابوورى و پێشخستنى، له‌گه‌ڵ زیادكردنى هه‌لى گه‌شه‌كردنى كۆمپانیاكانى كه‌رتى تایبه‌ت له پارێزگاكه".
كۆمپانیاى شیڤرۆن "Chevron" كۆمپانیایه‌كى ئه‌مریكى فره‌ڕه‌گه‌زه و باره‌گاى سه‌ره‌كى له كالیفۆرنیایه، یه‌كێكه له كۆمپانیا به‌ناوبانگه‌كانى نه‌وت له جیهاندا. ئه‌و كۆمپانیایه له ساڵى 1879 دامه‌زراوه.
هاوکات دوێنی دەزگای نوچەی ڕاپۆرتێكی ناودەوڵەتی تایبەت بە خواستەکانی ئەمریکا بۆ کارکردنی لە کێڵگە نەوتیەکانی عێراق لە ڕێگای سعوودیەوە شیکردۆتەوەو پێشبینی دەکرێت ئاستی کارکردنی کۆمپانیایە ئەمریکیەکان بە تایبەت لە بواری وزە لە عێراق لەهەڵکشاندا بن.
.jpg)
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment