ژوری ئۆپەراسیۆنی پارێزگای هەولێر راگەیێندراوێکی بڵاوکردەوە
نوچەنێت
دوا بەدوای کۆبوونەوەکە، ژورى ئۆپه‌راسیۆنى پارێزگاى هه‌ولێر رایگه‌یێندراوێکی بڵاوکردەوە تێیدا هاتووە: پاڵپشت بە بڕیار و ڕاسپاردەکانی کۆبوونەوەی لێژنەی باڵای به‌ره‌نگاربوونه‌وه‌ی کۆرۆنا لە هەرێمی کوردستان و لە پێناو پاراستنی سه‌لامه‌تى ته‌ندروستى گشتی شاره‌که‌مان و هەستیاری و مەترسیداری ئه‌و دۆخه نه‌خوازراوه‌ى کە به‌هۆى هەڵکشان و بڵاوبوونه‌وه‌ی ڤایرۆسی کۆرۆنا هاتۆته ئاراوه.
بە پێی راگەیێندراوەکە لیژنەی باڵای کۆرۆنا گەیشتە ئەم بڕیارانەی خوارەوە:
یه‌که‌م: داوا لە هاووڵاتیانى شارەکەمان دەکەین لە پێناو پاراستنی تەندروستی و سەلامەتی گشتی، هەموو ئەو گردبوونەوە و ئاهەنگانەى لە هۆڵى مزگەوتەکان، ماڵ، شوێنە گشتییەکان، بەبۆنەى یادى لەدایک بوونى فەخرى کائینات پیشەواى مرۆڤایەتى (محمەد)(د.خ) لە سەربێت ڕابگرن، لە هەولێرى پایتەخت ئەوەى پێویست بووە بۆ ئەم یادە مەزن و پیرۆزە لە ئەنجامدانى ڕێورەسم و یادکردنەوەى ئەم ڕۆژە پڕشکۆیە ئەنجامدراوە، بۆیە داوکارین هاووڵاتیانی شارەکەمان پابەندبن بەم بڕیارەوە.
دووەم: سه‌رجه‌م قائیمقام و بەڕێوەبەرى ناحیەکانى سنورى پارێزگاى هه‌ولێر، ده‌بێت تەواوى ئه‌و رێکارانه‌ى ژورى ئۆپەراسیۆن وه‌کو خۆی جێبه‌جێ بکه‌ن، ده‌سه‌ڵاتی تەواویشیان پێده‌درێت له هه‌ر شوێنێک پێویستى کرد، رێکاره‌کان توندتر بکه‌ن.
سێیەم: بەستنی ماسک بۆ ھەموو ئەو کەسانەی ڤاکسینیان وەرگرتووە و ئەوانەشی ڤاکسینیان وەرنەگرتووە، لە شوێنە داخراوەکان دەبێتە ئیلزامی و قائیمقام و بەڕێوەبەرى ناحییەکان چاودێری دەکەن.
چواره‌م: سه‌رجه‌م فه‌رمانگه و به‌ڕێوه‌به‌رایه‌تییه‌کانى سنورى پارێزگاى هه‌ولێر، ده‌بێت ڕێنماییه ته‌ندروستییه‌کان و ڕێکاره‌کانى خۆپارێزى جێبه‌جێبکه‌ن به‌تایبه‌تى به‌ستنى (ماسک) و دروستنه‌کردنى گردبوونه‌وه و قه‌ره‌باڵغى، هه‌روه‌ها ڕێگه نه‌ده‌ن هیچ هاووڵاتییه‌ک بۆ ڕاییکردنى مامه‌ڵه‌کانى به‌بێ به‌ستنى (ماسک) بچێته نێو هیچ فه‌رمانگه و دام و ده‌زگایه‌کى حکومى، هه‌ر به‌ڕێوه‌به‌رایه‌تى و فەرمانگە و فه‌رمانبه‌رێک سه‌رپێچى له‌و بڕیاره بکات، به‌ڕێوه‌به‌ر و به‌رپرسانى ئه‌و فه‌رمانگه و بەڕێوەبەرایەتییە به‌رپرسیارن.
پێنجەم: ھەموو فەرمانبەرانی فەرمانگە و دام و دەزگاکانى حکومى لەسنورى پارێزگاى هەولێر بە ھێزەکانی ناوخۆ و پێشمەرگە، لە ماوەی دوو مانگدا دەبێت ڤاکسین وەربگرن، بە پێچەوانەوە بەپێی یاسای بەرزەفتی فەرمانبەران مامەڵەیان لەگەڵدا دەکرێت.
شەشەم: پرسەدانان لە (کۆڵان - هۆڵ - ماڵ - ژێرخێوەت - باخچە و هەرشوێنێکی تر) قه‌ده‌غه‌یه و هه‌ر که‌سێک پابه‌ند نه‌بێت سزا ده‌درێت و بنکەکانى پۆلیس ڕاسپێردراون چاودێرى سنورەکانى خۆیان بکەن.
حەوتەم: ھەموو ئەوانەی لە کەرتی تایبەت کار دەکەن، پێویستەکارتی ڤاکسینیان ھەبێت.
هه‌شته‌م: مامۆستا و فەرمانبەرانی قوتابخانە و زانکۆ و پەیمانگەکان و ئەو قوتابیانەی کە تەمەنیان لە سەروی 18 ساڵەوەیە، دەبێت تاوەکو 2021.12.1 ڤاکسینیان وەرگرتبێت.
نۆیه‌م: داوا ده‌که‌ین هه‌روه‌ک چۆن لە ڕابردوودا مامۆستایانی ئایینی هاوکارمان بوونە، بە هەمان شێوە ھاوکاربن لە بڵاوکردنەوەی ھۆشیاری تەندروستیی و رێنماییە تەندروستییەکان و ڕێکارەکانى خۆپارێزى.
دەیەم: دایکان و باوکان دەتوانن تاوەکو 2021.10.31 بڕیار بدەن کە منداڵەکانیان بچنە قوتابخانە یان بەشێوەی ئۆنلاین بخوێنن.
یازده‌یه‌م:لە کۆڕو کۆبوونەوەکاندا دەبێت بەشداربووان یان کارتی ڤاکسینیان پێ بێت، یاخود پشکنینی کۆرۆنایان کردبێت، بۆ ئەو مەبەستەش خاوەنى (هوتێل، هۆڵ، شوێنەکان) بەرپرسیارن و لەلایەن دەزگا پەیوەندیدارەکانەوە چاودێرى دەکرێن.
دوازدەیەم: له دواى بڵاوبوونەوەى ئەم ڕاگەیندراوە، ژوورى ئۆپه‌راسیۆنی پارێزگاى هه‌ولێر، هێزه‌کانى پۆلیسى هاتووچۆى ڕاسپاردووە ڕێکارى تایبەت بەرامبەر شوفێران و سەرنشینانى بگرنەبەر کە پابەند نین بە ڕیکارەکانى خۆپارێزى و ڕێنماییە تەندروستییەکان، بەتایبەتى بەستنى (ماسک).
سێزدەیەم: ژووری ئۆپەراسیۆنی پارێزگای هەولێر، بە ڕەچاوکردنی کار و کەسابەت و بژێوی ژیانی هاووڵاتییان، بژاردەی کەرەنتین و قەدەغەی تەواوەتی هاتووچۆی هەڵنەبژارد، بەڵام ئەگەر لەهەر قەزا و ناحییە و شوێن و گەڕەک و کۆڵانێک هاوڵاتییان پابەندی ڕێکارەکانی خۆپارێزی و ڕێنماییە تەندروستییەکان نەبن و مەترسیەکان پەرەى سەند، ئەوا لەپێناو پاراستنی تەندروستی و سەلامەتی گشتیی شاره‌که‌مان، رێکاره‌کان توندتر دەکرێن، بۆیە داوا لەهەموولایەک دەکەین پابەندبن، تاوەکو بارودۆخەکە و ڕەوشی تەندروستیی لەوەی هەیە سەختر نەبێت.
چوارده‌یه‌م: ئه‌م رێکارانه له کاتژمێر 12ى ئه‌مشه‌و 25 له‌سه‌ر 26ى 10ی 2021 دەچێتە بوارى جێبەجێکردنەوە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment