ئه‌نجامى كۆبوونه‌وه‌كه‌ى ماڵى نوورى مالیكى ئاشكرا ده‌كرێت
نوچه‌نێت
ئه‌مڕۆ چوارشه‌ممه 20ى تشرینى یه‌كه‌م "ئۆكتۆبه‌ر" هه‌ر یه‌كه له رۆژنامه‌ى "عه‌ره‌بى جه‌دید" و ماڵپه‌ڕى "به‌غداد توده‌ى" ناوه‌ڕۆكى ئه‌و كۆبوونه‌وه‌یان ئاشكرا كردووه كه لایه‌نه خاوه‌ن میلیشیاكانى شیعه شه‌وى رابردوو، له ماڵى نوورى مالیكى سه‌رۆكى هاوپه‌یمانى ده‌وڵه‌تى یاسا ئه‌نجامیان داوه.
ئه‌و لایه‌نیانه كه خۆیان به "چوارچێوه‌ى هه‌ماهه‌نگى" ناوده‌به‌ن، بریتیه لایه‌نه میلیشیاكانى سه‌ربه ئێران كه زۆربه‌یان له چوارچێوه‌ى هاوپه‌یمانى فه‌تحدا له هه‌ڵبژاردن به‌شداربوون. هه‌ردوو سه‌رچاوه "عه‌ره‌بى جه‌دید" و "به‌غداد توده‌ى" ئاشكراى ده‌كه‌ن كه ئه‌و لایه‌نانه بڕیاریان داوه هیچ دانوستاندنێك نه‌كه‌ن، تا ئه‌و كاته‌ى سكاڵاكانیان له كۆمیسیۆنى باڵاى سه‌ربه‌خۆى هه‌ڵبژاردنه‌كان یه‌كلایى ده‌بێته‌وه.
هاوكات ئه‌مڕۆ هادى عامرى سه‌رۆكى هاوپه‌یمانى فه‌تح و میلیشیاى به‌در داواى له خۆپیشانده‌رانى میلیشیاكان كردووه، به شێوه‌یه‌كى ئاشته‌وایى له‌سه‌ر ده‌ربڕینى ناڕه‌زاییه‌كان به‌رده‌وام بن. ئه‌وان چه‌ند رۆژێكه وه‌ك ناڕه‌زاییه‌ك له به‌رانبه‌ر ئه‌نجامى هه‌ڵبژاردنه‌كانى عێراق، له به‌رده‌م ناوچه‌ى سه‌وز خۆپیشاندان ده‌كه‌ن.
وه‌ك ئاماژه‌كان ده‌ریده‌خه‌ن، لەم چەند رۆژه‌دا لایه‌نه شیعه دۆڕاوه‌كان جگه له خۆپیشاندان و چاوه‌ڕوانى هیچى تر ناكه‌ن، رۆژنامه‌ى شه‌رق ئه‌وسه‌ت ئه‌مڕۆ باسى له‌وه كردووه، هه‌موو لایه‌نه‌كانى شیعه چاوه‌ڕوانى وتارى هه‌ینى نوێنه‌رى عه‌لى سیستانى مه‌رجه‌عى باڵاى شیعه ده‌كه‌ن، بۆئه‌وه‌ى ئاراسته‌یه‌ك دیار بكات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment