رێكخراوه‌كانى كوردستان داواى گه‌ڕانه‌وه‌ى عێراق بۆ دادگای نێوده‌وڵه‌تى ده‌كه‌ن
نوچه‌نێت
ئه‌مڕۆ شەممە (١٧)ى تەمووزى (٢٠٢١) لە یادى (٣٣) ساڵەى دامەزراندنى دادگاى نێودەوڵەتى بۆ تاوانەكان، "تۆڕى رێكخراوە كوردستانییەكان بۆ دادگاى تاوانى نێودەوڵەتى" له كۆنگرەیەكى رۆژنامەوانى بەیاننامەى تۆڕەكەیان خوێندەوە، لەچەند خاڵێك داواكارییەكانى تۆڕەكانیان خستەڕوو بۆ هەریەك لە حكومەتى هەرێمى كوردستان و حكومەتى عێراقى، كه ئه‌مانه‌ى خواره‌وه‌ن:
یه‌كه‌م: داواكارن حكومەتى هەرێمى كوردستان فشار بخاتە سەر حكومەتى فیدڕاڵى بۆ ئەوەى پەیماننامەى رۆما واژۆ بكات و ببێتە ئەندام لە دادگاى تاوانى نێودەوڵەتى، بۆ ئەوەى نیازپاكى خۆى لە رێگەى دادگاكە نيشان بدات ئەو وڵاتەى كە مەڵبەندى جینۆساید بوو، پابەندى خۆى بەو دادگایە رادەگەینێت، بۆ دووبارەنەبوونەوەى تاوانى هەڵەبجە، ئەنفال، ئه‌نفالى بارزانییه‌كان، فەیلى، تەعریب، بۆردومانى قەڵادزێ، مووسڵ، شنگال، پەلكانە، شەبەك و كاكەیى.
دووه‌م: داوا لە دەسەڵاتدارانى كورد دەكەین، داواكارى بە ئەندامبوونى عێراق لە دادگاى تاوانى نێودەوڵەتى بكەنە یەكێك لە داواكارییەكانى خەڵكى كوردستان لە دانوستانەكان لەگەڵ حكومەتى ناوەندى بەغدا و لایەنە عێراقییەكان و سازشى لەسەر نەكەن.
سێیه‌م: داواكارن حكومەتى هەرێمى كوردستان و دەسەڵاتدارانى كورد لە رۆژئاواى كوردستان هاوكارى دادگاى تاوانى نێودەوڵەتى بكەن لەپێدانى زانیارى لەسەر ئەو چەكدارانەى داعش كە ناسنامەى وڵاتانى ئەندامیان هەیە، هەروەها دیلەكانى جەنگ ئەوانەى هەمان پێناسیان هەیە، بەتایبەت بڕیار بەدەستانیان رادەستى دادگاى ناوبراو بكەن بۆ دادگایكردنیان، مخابن لەو رووەوە هیچ دەستپێشخەرى و هاوكارییەك نەبیندراوە، ئەوەش جێگەى رەخنە و نیگەرانییە.
چواره‌م: حكومەتى هەرێمى كوردستان ئەو تۆمەتبارانەى كە هاووڵاتى كوردستانن و تاوانى گەورەى نێوده‌وڵه‌تییان ئەنجام داوە، یا بەشدارییانكردووە، ناویان بداتە پۆلیسى ئینته‌رپوول و بۆ دەستگیركردنى هەڵاتووەكانیان، بۆ نموونە (٢٥٨) تۆمەتبارى ئەنفال.
پێنجه‌م: حكومەتى هەرێمى كوردستان پێشوازى لە هیچ كەسێك نەكات، كە لەلایەن دادگاى تاوانى نێودەوڵەتى داوا كرابێت، لەكاتى سەردانى كردنیان دەستگیریان بكات و رادەستى دادگاى ناوبراویان بكات.
شه‌شه‌م: هەرێمى كوردستان نابێت پێشوازى لە هیچ كەسێك بكات تاوانە مەزنەكانى ئەنجام دابێت، یا هاوبەشیان كردبێت، یان هانى دابێت، یاخود بانگەشەى بۆ بكات و سەر بەچ نەتەوە و وڵاتێك بێت و هەر پۆستێكیشى هەبێت.
حه‌وته‌م: لە پەیوەندە پشكنینى ورد لەگەڵ پەنابەران بكرێت، بەگوێرەى راگەیاندنەكانى كوردستان هەرێمى كوردستان بۆتە پەناگەى تاوانبارانى رژێمى پێشووى عێراق، ئەوەش بەشداریكردنە لە تاواندا.
هه‌شته‌م: هەركەس و لایەنێك ریكلام بۆ داعش و بیرى داعش بكات، پێویستە بە تاوانى هاریكارى تیرۆر و هاوبەشى لە جینۆساید داگایى بكرێت، لە هەر پێگە و جێگە و رێگەیەك دابێت.
نۆیه‌م: نوێنەرانى كورد و دیموكراسخوازان لە حكومەتى ناوەندى و پەرلەمانى عێراق پێشوازى لە هیچ داواكراوێكى دادگاى تاوانى نێودەوڵەتى نەكەن، یاخود سەردانى وڵاتەكانیان نەكەن، با بەهانەى پەیوەندى دیپلۆماسیەوە بن.
ده‌یه‌م: هەركەس و لایەنێك نكۆڵى لە جینۆساید و كریستیان و پێكهاتەكانى تر بكات، یاخود قوربانییەكانیان بە شەهید نەزانێت، پێویستە سزا بدرێت و نكۆڵیكردنى تاوانەكانى جینۆساید وەك تاوان سەیر بكرێت، لە هەرێمى كوردستان پێویستە بەپەلە یاساى تایبەتى بۆ دەربچێت.
یانزه‌م: پێویستە هەمووان كاربكەین بۆ دۆزینەوەى بڕیاربەدەستان و تاوانبارانى داعش و لە وڵاتەكانى جیهان و سكاڵایان لەسەر تۆمار بكەین، یاخود ناو و شوێنى ژیانیان بدەینە دادگاى تاوانى نێودەوڵەتى و رێكخراوە جیهانیەكان و پۆلیسى تاوانى جەنگى وڵاتان، هاوكارى ئەو ناوەندانە بكەین لە هەوڵى دۆزیینەوە و دادگاییكردنیان، لەو بارەیەوە دوایین بڕیارى پەرلەمانى هەریەك لە هۆڵندا و بەلجیكا لە بەجینۆسایدناساندنى ئێزیدییەكان بەرز دەنرخێنین، هیوادارین ئەو وڵاتانە و وڵاتانى دیكەش تاوانى ئەنفال و هەڵەبجە بە جینۆساید بناسێنن.
پەیماننامەى رۆما لە ١٧ى تەمووزى ١٩٩٨ واژۆكراوە، بڕیارى لەسەر دراوە، لە (٢٠٠٢) دەستى بەكارەكانى كردووە، ١٢٣ دەوڵەت تێیدا ئەندامن، ١٣٩ وڵات واژۆریان لەسەر كردووە، عێراق لە ١٥شوباتى ٢٠٠٥ پەیوەستبووە، بەبێ هیچ روونكردنەوەیەك، دواى دوو هەفتە لەو دادگایە كشایەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment