به‌رهه‌م ساڵح و كازمى داواى لێكۆڵینه‌وه له‌سه‌ر پێشێكارییه‌كانى دوێنێ ده‌كه‌ن
نوچه‌نێت
ئه‌مڕۆ چوارشه‌ممه 26ى ئایار ماڵپه‌ڕى به‌غداد توده‌ى عێراقى به‌ڵگه‌یه‌كى فه‌رمى بڵاوكردووه‌ته‌وه، كه ئامارى زیانه مرۆییه‌كانى گرژییه‌كانى دوێنێ ده‌رده‌خات. له ئاماره‌كه‌دا ده‌رده‌كه‌وێت كه‌سێك كوژراوه و 26 كه‌سیش بریندارن.
كوژراوه‌كه له ریزى خۆپیشانده‌ران بووه، گه‌نجێك بووه به ناوى محه‌مه‌د باقر، له‌دایكبووى ساڵى 2003 شارى زیقار بووه، به فیشه‌ك كوژراوه. جیا له‌و نۆ كه‌سى تر له‌ناو خۆپیشانده‌ران بریندارن. له ریزى هێزه ئه‌منییه‌كانیش 17 كه‌س بریندارن.
به‌گوێره‌ى به‌ڵگه‌كه خۆپیشانده‌ران فیشه‌كیان به‌ركه‌وتووه، ئه‌مه‌یش پێچه‌وانه‌ى ئه‌و رێنمایه‌یه كه مسته‌فا كازمى سه‌رۆك وه‌زیرانى عێراق بۆ پاراستنى خۆپیشانده‌ران ده‌ریكردبوو.
شه‌وى رابردوو مسته‌فا كازمى له تویتێكدا باس له‌وه ده‌كات بڕیارى توندى داوه بۆ ئه‌وه‌ى خۆپیشانده‌ران بپارێزرێن، بۆیه لێكۆڵینه‌وه له‌سه‌ر رووداوه‌كانى دوێنێ ده‌كات.
هه‌روه‌ها به‌رهه‌م ساڵح سه‌رۆك كۆمارى عێراق له تویتێكدا ده‌ڵێ، "به‌كارهێنانى فیشه‌ك له خۆپیشاندانه‌كان نابێت بێ لێكۆڵینه‌وه و لێپرسینه‌وه تێپه‌ڕێت".
دوێنێ 25ى ئایار خۆپیشاندانێكى گه‌وره له به‌غدا و 10 شارى ترى عێراق به‌ڕێوه‌چوو. ئه‌و خۆپیشاندانه پێشتر له دواى كوشتنى ئیهاب وه‌زنى چالاكوانى ناسراوى كه‌ربه‌لا ئاماده‌كاریى بۆ كرا بوو، خۆپیشانده‌ران داواى ئاشكراكردنى بكوژانى خۆپیشانده‌ر و چالاكوانان ده‌كه‌ن، جیا له‌و داواكارییانه‌ى كه پێشتر بۆ به‌ره‌نگاربوونه‌وه‌ى گه‌نده‌ڵى و باشتركردنى بژێوى خه‌ڵك هه‌یانبوو.
.jpg)
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment