وەزارەتی پێشمەرگە: دوو ناوچەیی سەرکردایەتی بۆ یەکخستنەوەی هێزی پێشمەرگەی کوردستان دادەمەزرێنین
نوچە نێت
ئەمڕۆ یەكشەممە (22/كانوونی یەكەم/2024) وەزارەتی پێشمەرگە ڕاگەیێندراوێكی بڵاوكردەوە و دەڵێت، شۆڕش ئیسماعیل، وەزیری پێشمەرگەی حکومەتی هەرێمی کوردستان سەرپەرشتی کۆبوونەوەیەکی باڵای کرد لە وەزارەتی پێشمەرگە، بەئامادەبوونی عبدالخالق بابیری،بریکاری وەزارەت، فریق روکن عیسا عوزێر،سەرۆکی ئەرکان و لیوا روکن بەختیار محمد، ئەمینداریی گشتیی، فەرماندەی فەرماندەیی هێزەکانی 70 و 80ــی هێزی پێشمەرگە و فەرماندەی فیرقەکانی 2 و 4ـی پیادەی وەزارەتی پێشمەرگە و کۆڵۆنێڵ براندستێتەر، بەرپرسی تیمی راوێژکارانی سەربازی هاوپەیمانان لە هەرێمی کوردستان و تیمی یاوەری تێیدا" بەڕێوەچوو.
دەقی ڕاگەیێندراوەكەی وەزارەتی پێشمەرگەی هەرێمی كوردستان:
ئەمڕۆ 22ـی کانونی یەکەمی 2024، شۆڕش ئیسماعیل، وەزیری پێشمەرگەی حکومەتی هەرێمی کوردستان سەرپەرشتی کۆبوونەوەیەکی باڵای کرد لە وەزارەتی پێشمەرگە.
لەو کۆبوونەوەیەدا، کە عبدالخالق بابیری،بریکاری وەزارەت، فریق روکن عیسا عوزێر،سەرۆکی ئەرکان و لیوا روکن بەختیار محمد، ئەمینداریی گشتیی، فەرماندەی فەرماندەیی هێزەکانی ٧٠ و ٨٠ــی هێزی پێشمەرگە و فەرماندەی فیرقەکانی ٢ و ٤ـی پیادەی وەزارەتی پێشمەرگە و کۆڵۆنێڵ براندستێتەر، بەرپرسی تیمی راوێژکارانی سەربازی هاوپەیمانان لە هەرێمی کوردستان و تیمی یاوەری تێیدا ئامادەبوون.
تەوەری سەرەکی کۆبوونەوەکە، گفتوگۆکردن و بریاردان بوو لەبارەی پرۆژەیەکی ئامادەکراو بۆ دامەزراندنی دووناوچەیی سەرکردایەتیی کە لە ١١ فیرقەی سەربازی پێکهاتوون لەژێر سەرکردایەتی و کۆنترۆڵی وەزارەتی پێشمەرگەدا دەستبەکاردەبن. وەزیری پێشمەرگە رایگەیاند: دوو ناوچەیی سەرکردایەتیی دادەمەزرێنین بۆ رێکخستنەوە و یەکخستنەوەی هێزی پێشمەرگەی کوردستان لە ژێر سەرکردایەتی وەزارەتی پێشمەرگەدا کاروبارەکانیان رێکدەخەنەوە و دەستپێکی قۆناغێکی نوێ دەبێت بۆ هێزی پێشمەرگەی کوردستان.
بەشێکی دیکەی کۆبوونەوەکە بە گرنگیەوە باس لە دامەزراندنی ژێرخانی سەربازیی وەزارەتی پێشمەرگە کرا. هەمووان هاوڕابوون کە ئەم ژێرخانە پاڵپشت و پشتیوانی وەزارەتی پێشمەرگە دەبێت لە بنیاتنانی هێزێکی نیشتمانی یەکگرتووی کوردستانی کە پارێزگاری لە خەڵک و خاکی کوردستان دەکات لە هەر مەترسییەک کە لە ئێستا و ئایندەدا رووبەروومان دەبێتەوە.
لە کۆبوونەوەکەدا بڕیاردرا: بە دەستەکاربوونی هەردوو ناوچەی سەرکردایەتی یەک و دوو کە بەشێکی زۆری هێزەکانی وەزارەتی پێشمەرگە و فەرماندەیی هێزەکانی (٨٠،٧٠)ی پێشمەرگەی کوردستانی تێدا رێکدەخرێتەوە، لە چوارچیوەی وەزارەتی پێشمەرگەدا جێگیردەبن لە سەرەتای ساڵی ٢٠٢٥وە.
لە کۆتایی کۆبوونەوەکەشدا، بە کۆی دەنگی هەمووان رەزامەندیدرا؛ لەسەر بنیاتنانی بنەماکانی یەکەیەکی یەکگرتووی ژمێریاری سەربازی بۆ هێزی پێشمەرگەی کوردستان.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment