نەبوونی وزەی پێویست قەیرانی ئابووری لە یەکێتیی ئەوروپا دروست دەكات
نوچە نێت
ڕۆژی چوارشەممە (نۆی تشرینی یەکەم/2024) ماڵپەڕی (ئارتی) بڵاویکردەوە، ڤیکتۆر ئۆربان، سەرۆک وەزیرانی هەنگاریا لە کۆبوونەوەیەکی گشتی پەرلەمانی ئەوروپا ڕایگەیاند، "ڕەتکردنەوەی کڕینی وزەی ڕووسیا لە لایەن یەکێتیی ئەوروپا گەشەی ئابووری یەکێتییەکەی پەکخستووە".
سەرۆک وەزیرانی هەنگاریا ڕاشیگەیاند، "بەرهەمی یەکێتیی ئەوروپا بە خێرایی کەمتر لە بەرهەمی ڕکابەرەکانمان گەشە دەکات. پشکی ئێمە لە بازرگانی جیهانی بەرەو کەمبوونەوە دەڕوات، کۆمپانیاکانی یەکێتییەکە ڕووبەڕووی بەرزی نرخی کارەبا دەبنەوە کە دوو بۆ سێ ئەوەندە زیاترە لە ئەمەریکا. هەروەها نرخی گازی سروشتی چوار بۆ پێنج ئەوەندە بەرزترن."
ڤیکتۆر ئۆربان نەیشاردەوە کە، "نیوەی کۆمپانیاکانی ئەوروپا نرخی وزە بە بەربەستی سەرەکی لەبەردەم وەبەرهێنان دادەنێن. لە پیشەسازی پڕ وزە کە بۆ ئابووری یەکێتیی ئەوروپا گرنگە، بەرهەمهێنان بە رێژەی (10٪) بۆ (15٪) دابەزیوە.
سەرۆک وەزیرانی هەنگاریا گوتیشی، "دوورکەوتنەوە لە وزەی ڕوسیا گەشەی بەرهەمی ناوخۆیی یەکێتیی ئەوروپای خستۆتە مەترسییەوە، لە کاتێکدا سەرچاوەی دارایی گەورە بۆ یارمەتی وزە و دروستکردنی ژێرخانی پێویست بۆ هاوردەکردنی گازی سروشتی دابەش دەکرێت".
لە سەرەتای جەنگی ڕووسیا و ئۆکرایناوە، یەکێتیی ئەوروپا ڕایگەیاند، "چیتر ئامادە نین پشت بە وزەی ڕووسیا ببەستن، وڵاتانی یەکێتییەکە پەنایان بۆ ئەمریکا و ڕۆژهەڵاتی ناوەڕاست برد بۆ ئەوەی گازی سروشتی بە دەست بهێنن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment