ڕووسیا و ئۆکراینا پرۆسەی ئالۆگۆری زیندانیکراوانیان دەستپێکرد
نوچە نێت
ڕۆژی شەممە (24/ئاب/2024) ئاژانسی (رۆیتەرز) بڵاویکردەوە، "ڕووسیا و ئۆکراینا (115) زیندانی ئاڵوگۆڕ دەکەن، ئەم هەنگاوە یەکەم هەنگاوی ئاڵوگۆڕ کردنە لە (6) ی ئابەوە کاتێک ئۆکراینا هێرشێکی لەناکاوی کردە سەر هەرێمی کورسکی ڕووسیا کە گەورەترین هێرشە لە ناو خاکی ڕووسیا لەلایەن هێزێکی بیانییەوە ئەنجام درابێت لەوەتەی جەنگی جیهانی دووەمەوە".
وەزارەتی بەرگریی ڕووسیا لە ڕاگەیێندراوێکدا ڕایگەیاند، "ئەو سەربازە ڕووسیانەی ئاڵوگۆڕکراون لە هەرێمی کورسک دەستگیرکراون، سوپاسی ڕۆڵی ئیمارات دەکەین لە ئاسانکاری کردن بۆ ئاڵوگۆڕی زیندانییەکان".
لە وێنەیەکدا کە لەلایەن ڤۆلۆدیمیر زیلینسکی، سەرۆکی ئۆکراینا بڵاوکراوەتەوە، "دیلەکانی ئۆکراینا بە ئاڵای شین و زەردی ئەو وڵاتەوە یەکتریان لە باوەش گرتووە".
سەرۆکی ئۆکراینا ئاشکرای کرد، "ئەوانەی گەڕاونەتەوە سەربازی پاسەوانانی سنوور، پاسەوانی نیشتمانی، هێزی دەریایی و هێزە چەکدارەکانن، سوپاسی هێزەکانی ئۆکراینای کرد کە یارمەتیدەر بوون لە جێبەجێ کردنی ئەم هەنگاوەدا".
لە لایەکی ترەوە وەزارەتی دەرەوەی ئیمارات جەخت لەوە دەکاتەوە، "تاوەکو ئێستا کۆی گشتی ئەو دیلانەی لە ڕێگەی هەوڵەکانی ناوبژیوانییەوە ئاڵوگۆڕکراون گەیشتووەتە (1788) کەس، حەوتەمین ئاڵوگۆڕە کە ئیمارات ناوبژیوانی کردووە لە دەستپێکی جەنگی ئۆکراینا و ڕووسیاوە".
ئیمارات بە درێژایی جەنگەکە پەیوەندییەکی باشی لەگەڵ مۆسکۆ هەبووە، ئەمەش هەندێک لە بەرپرسانی ڕۆژئاوایی بێئومێد کردووە. هەروەها بەردەوام هەوڵی داوە پەیوەندییەکانی لەگەڵ کیێڤ بەهێزتر بکات، بەرپرسانی ئیمارات دەڵێن، "توانا و هەماهەنگی باشیان هەیە لەگەڵ وڵاتانی جیاواز کە ڕێگەخۆشکەرن بۆ ئەوەی بتوانن بە شێوەیەکی کاریگەر ناوبژیوانی نێوان وڵاتان بکەن، برەو بە هاوکاری، هەماهەنگییە جۆراوجۆرەکان و ئاسایش بدەن".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment