ئەمریکا ئامادەکاری دەکات بۆ بەرپەرچدانەوەی هێرشی هاوبەشی ئەتۆمیی سێ دەوڵەت
نوچە نێت
ئامادەكردنی، هیوا جاسم محەممەد
بەپێی بەڵگەنامەیەکی نهێنی کە لەلایەن وەزارەتی بەرگری ئەمریکا، پنتاگۆن دزەی پێ كراوە و ڕۆژنامەی (نیویۆڕك تایمز)ی ئەمەریكیی بڵاویکردووەتەوە، واشنتن ئامادەکاری دەکات، بۆ ڕووبەڕووبوونەوەی ئەو ئەگەرە چاوەڕوانكراوەی کە چین و ڕووسیا و کۆریای باکوور بەم زووانە هێرشی هاوبەشى ئەتۆمی ئەنجام بدەن.
لە مانگی ئاداری ڕابردوودا، جۆ بایدن، سەرۆکی ئەمریکا گۆڕانکاری لە پلانی بەرگری ئەتۆمی ئەمریکای پەسەند کرد، ئەم پلانە تیشکی خستۆتە سەر (ستراتیژی ڕێگریکردن) بۆ بەرپەرچدانەوەی پەرەسەندن و فراوانکردنی ئەتۆمیی چین، هەروەها وەڵامدانەوەی هەڕەشە و هەماهەنگیی بەردەوامی نێوان پەکین، مۆسکۆ و پیۆنگ یانگ.
کۆگای چەکی ئەتۆمی چین دوو هێندە زیادی کردووە
ئەوەی ترسی ئەمریکا زیاد دەکات ئەوەیە کە لە ڕاپۆرتێکدا کە لەلایەن پنتاگۆنەوە بڵاوکراوەتەوە ئاشکرایکردووە کە کۆگای چەکی ئەتۆمی چین لە ماوەی سێ ساڵی ڕابردوودا زیاتر لە دوو هێندە زیادیکردووە، ئەمەش لە کاتێکدا بەرپرسان بە فراوانکردنی گەورەی هێزە ئەتۆمییەکانی وەسفیان کردووە.
چین نزیکەی (500) سەری ئەتۆمی ئۆپەراسیۆنی هەیە.
ڕاپۆرتەكە توانا و هێزی سەربازیی چین دەردەخات كە تا مانگی ئایاری ساڵی ڕابردوو، چین خاوەنی نزیکەی (500) سەری ئەتۆمییە و ئامادەیە بۆ بەكارهێنان، تا ساڵی (2030) ژمارەكەی بۆ هەزار و تا ساڵی (2035) بەرز دەبێتەوە بۆ (1500)، کە بە نزیکەیی هاوتایە لەگەڵ ئەو ژمارانەی کە ئەمریکا و ڕووسیا لە ئێستادا بڵاویان کردۆتەوە.
بەپێی ڕۆژنامەی نیویۆڕك تایمز، ئەم بەڵگەنامە نهێنییە تەنها لەسەر كاغەز هەیە ناخرێتە سەر تۆڕى ئەلیكترۆنییەوە و تەنیا لەبەردەستی چەند بەرپرسێكی باڵای پەنتاگۆن و ئاسایشی نیشتیمانیی ئەمەریكا دەبێت.
ئەمریکا ئامادەیە وەڵامی قەیرانە ئەتۆمییەکانی هاوکات یان یەک لە دوای یەک بداتەوە پرانای ڤادی، بەڕێوەبەری باڵای کۆنترۆڵکردنی چەک و بڵاونەکردنەوەی چەک لە ئەنجومەنی ئاسایشی نیشتمانیی، ئاماژەی بەوەدا کە بەڵگەنامەکە یەکەم بەڵگەنامەیە کە لێکۆڵینەوە لەوە دەکات کە ئایا ئەمریکا ئامادەیە بۆ وەڵامدانەوەی قەیرانە ئەتۆمییەکانی هاوکات یان یەک لە دوای یەک.
ڤادی ئاماژەی بەوەشکرد، ستراتیژییە نوێیەکە جەخت لەسەر پێویستی ڕێگریکردن لە ڕووسیا و چین و کۆریای باکوور دەکاتەوە.
سەرچاوە: ماڵپەڕى ئەلوەتەن
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment