سه‌رۆكى توركيا: ئيسرائيل و فه‌له‌ستين پێويستيان به چاره‌سه‌رى ئاشتييه
نوچەنێت
سێشه‌ممه (25/ته‌ممووز/2023) ماڵپه‌رى (سى ئێن ئێن) بڵاويكرده‌وه، ئه‌مرۆ سه‌رۆكى فه‌ڵه‌ستين سه‌ردانى توركياى كرد له‌گه‌ڵ ره‌جه‌ب ته‌يب ئه‌ردۆغان كۆبوونه‌وه، له‌دواى كۆبوونه‌وه‌كه سه‌رۆكى توركيا پشتيوانى خۆى ده‌ريڕى و رايگه‌ياند، له‌كۆبوونه‌وه‌ى نێوانمان توانيمان دواين پێشهاته‌كانى فه‌ڵه‌ستين تاوتوێ بكه‌ين، هه‌روه‌ها هه‌ڵسه‌نگاندنمان بۆ هه‌نگاوه‌كانى هه‌ردووڵا كرد، پشتيوانى خۆمان بۆ وڵاتى فه‌ڵه‌ستين دووپاتكرده‌وه.
ئه‌ردۆغان ئاماژه‌ى به‌مه‌شكرد، ئه‌وه‌ى گرينگه سه‌ره‌تا ده‌بێت كۆمه‌ڵگه‌ى نێوده‌وڵه‌تى و نه‌ته‌وه‌يه‌كگرتووه‌كان به‌شدارى له پرسى فه‌له‌ستين بكه‌ن، وه‌كو توركيا هاوده‌نگيمان له‌گه‌ڵ فه‌له‌ستين به‌رده‌وامه له‌نزيكه‌وه چاودێرى پێشهاته‌كانى ئه‌و وڵاته ده‌كه‌ين.
سه‌باره‌ت به چاره‌سه‌رى ئاشتى ئه‌ردۆغان گوتى، بۆ به‌ده‌ستهێنانى دادپه‌روه‌رى و ئاشتيه‌كى به‌رده‌وام هه‌ردوو وڵات پێويستيان به چاره‌سه‌رى ئاشتييه، ئێمه ناتوانين ده‌ستدرێژى گۆرينى دۆخى مێژووى شوێنه پيرۆزه‌كان و به‌تايبه‌ت مزگه‌وتى ئه‌قسا قبوڵ بكه‌ين، هاوكارى مانگى سوورى توركيا به‌رده‌وامه له هاوكارييه‌كانى بۆ فه‌له‌ستين و به‌رده‌وامين له به‌رگريكردن له دۆزى فه‌له‌ستين و له‌م كۆبوونه‌وه دواين پێشهاته‌كانى ناوچه‌كه‌مان ئاڵوگۆر كرد.
ئه‌ردۆغان راشيگه‌ياند، دامه‌زراندنى ده‌وڵه‌تى فه‌له‌ستين به‌سه‌ربه‌خۆى و بوونى پايته‌خى قوددسى ڕۆژهه‌ڵات له ساڵى (1967) سنووره‌كانى له‌سه‌ر به‌ماى پارامێته‌ره‌كانى نه‌ته‌وه يه‌كگرتووه‌كان بۆ ناوچه‌كه زۆر گرينكه، چونكه ده‌بێته‌هۆى ئاشتى و سه‌قامگيرى ته‌واوى ئه‌م وڵاته.
محمود عه‌باس سه‌باره‌ت به پشتيوانى توركيا رايگه‌ياند، ئێمه به‌گرينگه‌وه سه‌يرى پشتگيرى توركيا بۆ وڵاته‌كه‌مان ده‌كه‌ين، لێره‌دا پيرۆزباى سه‌ركه‌وتنى هه‌ڵبژارده‌كان له سه‌رۆكى توركيا ده‌كه‌م و داگيركارى و ده‌ستدرێژى ئيسرائيل بۆ سه‌ر وڵاته‌كه‌مان به‌رده‌وامه ده‌توانم بڵێم كۆمه‌ڵگه‌ى نێوده‌وڵه‌تى له‌ئاست ئه‌م داگيركارييه بێ ده‌سه‌ڵاتن و هه‌روه‌ها توركيا به‌رامبه‌ر به گۆره‌پانى نێوده‌وڵه‌تى به‌رده‌وام به‌رگرى له سه‌ربه‌خۆى وڵاته‌كه‌مان كردووه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment