یاریدەدەری سه‌رۆكى ئێران باس له‌ هێرشه‌كه‌ى سه‌ر كوردستان ده‌كات عێراق ناوچەکە و جیهان

نوچه‌نێت

محه‌مه‌د حوسه‌ینى یاریده‌ده‌رى سه‌رۆكى ئێران له‌ دیمانه‌یه‌كى ته‌له‌ڤزیۆنى هه‌ڕه‌شه‌ى تۆڵه‌كردنه‌وه‌ له‌ بۆردومانكردنى تانكه‌ره‌ سووته‌مه‌نییه‌كان ده‌كات و ده‌ڵێ، "چیمان له‌ هه‌رێم كرد، وه‌هایش به‌رپه‌رچى ئه‌وان ده‌ده‌ینه‌وه‌".

ئه‌مڕۆ پێنجشه‌ممه‌ 10/ تشرینى دووه‌م/2022 محه‌مه‌د حوسه‌ینى یاریده‌ده‌رى سه‌رۆكى ئێران بۆ كاروبارى په‌رله‌مانى، له‌ دیمانه‌یه‌كى له‌گه‌ڵ كه‌ناڵى مه‌یادین كه‌ كه‌ناڵێكى لبنانى سه‌ربه‌ ئێرانه‌، باس له‌و هێرشه‌ نه‌ناسراوه‌ ده‌كات كه‌ به‌ره‌به‌یانى دوێنێ كرایه‌سه‌ر كاروانێكى سووته‌مه‌نى ئێران  له‌سه‌ر سنوورى عێراق و سووریا، كه‌ به‌ره‌و میلیشیاكانى ئێران له‌ سووریا ده‌چوون.

محه‌مه‌د حوسه‌ینى ده‌ڵێ، "په‌نجه‌ى ئه‌مریكا زۆر رۆشنه‌ به‌سه‌ر ئه‌و رووداوانه‌ى كه‌ به‌م دواییه‌ له‌ ئێران رووده‌ده‌ن". ده‌شڵێ، "له‌ وه‌ڵامدانه‌وه‌ دواناكه‌وین، وه‌ك ئه‌وه‌ى له‌ به‌رانبه‌ر هه‌رێمى كوردستان كردمان".

ئێران ئه‌مساڵ به‌ چه‌ندان بیانووى جیاواز هێرشى كردووه‌ته‌ سه‌ر هه‌رێمى كوردستان و وێراى ناڕه‌زایى نێوده‌وڵه‌تى و عێراق و وڵاتانى ناوچه‌كه‌، هێَشتا به‌ "شانازییه‌وه‌" باسى هێرشه‌كانى ده‌كات.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین