عێراق زانیارى جیاواز له‌سه‌ر بۆردومانه‌كه‌ى ئه‌مڕۆ بڵاوده‌كاته‌وه
.jpg)
نوچه‌نێت
به‌ره‌به‌یانى ئه‌مڕۆ چوارشه‌ممه نۆى تشرینى دووه‌م 2022 كاروانێكى سووته‌مه‌نى له‌سه‌ر سنوورى نێوان عێراق و سووریا بۆردومان كرا. به‌گوێره‌ى ئه‌و زانیارییانه‌ى بڵاوكراونه‌ته‌وه، 22 تانكه‌رى سووته‌مه‌نى به فه‌رمى له ئێرانه‌وه بۆ عێراق هاتوون و تا له‌وێوه‌وه به‌ره‌و سووریا ره‌وانه بكرێن.
ماڵپه‌ڕى كه‌ناڵى عه‌ره‌بییه ده‌ڵێ، "له‌و هێرشه 14 كه‌س كوژراون، كه هه‌ر هه‌موویان سه‌ربه میلیشیاكانى ئێرانن". كه‌چى به‌رپرسێكى عێراقى كه لێدوانى بۆ ماڵپه‌ڕى شه‌فه‌ق نیوز داوه و ناوى ئاشكرا نه‌كراوه گوتویه‌تى، "هیچ كه‌سێكى عێراق له‌م هێرشه نه‌كوژراون، ناشزانرێت زیانه گیانییه‌كان له‌ناو خاكى سووریا چه‌ند بووه".
جیا له‌وه‌یش به‌رپرسانى عێراق باسیان له‌وه كردووه، له كۆى 22 تانكه‌ر ته‌نیا هه‌شتیان بۆ ناو خاكى سووریا رۆیشتوون و ته‌نیا دوو دانه‌شیان بۆردومان كراون. گوته‌بێژى هاوپه‌یمانى نێوده‌وڵه‌تى دژ به داعش له لێدوانێكى بۆ فڕانس پرێس ره‌تیده‌كاته‌وه ئه‌م هێرشانه له‌لایه‌ن ئه‌مریكا یان هاوپه‌یمانى نێوده‌وڵه‌تى ئه‌نجام درا بێت.
ئێران له شه‌ڕى سووریا به‌شداره و پاڵپشتى له ده‌سه‌ڵاتى ئه‌سه‌د ده‌كات، بۆیه هێزێكى زۆرى میلیشیایى له‌م وڵاته داناوه و زۆرجار ئه‌و میلیشیایانه به هێرشی نادیار ده‌كرێنه ئامانج، كه گومانێكى زۆر له ئیسرائیل و ئه‌مریكا ده‌كرێت له‌پشت ئه‌و هێرشانه‌وه بن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment