له حكومه‌تى نوێى عێراق ته‌نیا چوار وەزارەت به كورد ده‌درێت
نوچه‌نێت
ئه‌مڕۆ دووشه‌ممه 17/ تشرینى یه‌كه‌م/ 2022 سه‌رچاوه‌یه‌ك له چوارچێوه‌ى هاوئاهه‌نگى شیعه بۆ ماڵپه‌ڕى شه‌فه‌ق نیوز هه‌ندێك له زانیارییه‌كانى پێكهێنانى حكومه‌تى ئاشكراكردووه و گوتوویه‌تى، "حكومه‌ته‌كه له 22 یان 24 وه‌زاره‌ت پێكدێت".
سه‌رچاوه‌كه باسى دابه‌شكردنێكى سه‌ره‌تایى وه‌زاره‌ته‌كانى كردووه، گوایه به‌م شێوه‌یه ده‌بێت: شه‌ش وه‌زاره‌ت بۆ پێكهاته‌ى سوننه، چوار بۆ هاوپه‌یمانى سه‌روه‌ریى به سه‌رۆكایه‌تى محه‌مه‌د حه‌لبووسى و خه‌میس خه‌نجه‌ر، دوو وه‌زاره‌تیش بۆ هاوپه‌یمانى عه‌زم به سه‌رۆكایه‌تى موسه‌نا سامه‌رایى . چوار وه‌زاره‌تیش بۆ كورد ده‌بێت سێ بۆ پارتى دیموكراتى كوردستان و وه‌زاره‌تێكیش بۆ یه‌كێتى نیشتمانى كوردستان.
پێكهاته‌ى شیعه 12 وه‌زاره‌تى ده‌بێت ، چوار بۆ ده‌وڵه‌تى یاسا كه نوورى مالیكى سه‌رۆكایه‌تى ده‌كات، شه‌ش وه‌زاره‌تیش بۆ هاوپه‌یمانى فه‌تح، دوو وه‌زاره‌ت بۆ سه‌ربه‌خۆكان. وه‌زاره‌تێكیش بۆ پێكهاته‌ى مه‌سیحییه‌كان و وه‌زاره‌تێكیش بۆ توركمان، ئه‌مه ئه‌گه‌ر كابینه‌كه 24 وه‌زاره‌ت بوو، به‌ڵام ئه‌گه‌ر 22 وه‌زاره‌ت بێت ئه‌وا پێكهاته‌ى مه‌سیحى و توركمان له دوو كورسى پێكهاته‌ى شیعه ده‌به‌ن.
سه‌رچاوه‌كه دووپاتیشى كردووه‌ته‌وه، تا ئێستا گفتوگۆ به‌رده‌وامه و به‌ڵام هیچ وه‌زاره‌تێك یه‌كلایى نه‌كراوه‌ته‌وه.
رۆژى پێنجشه‌ممه‌ى رابردوو 13/ تشرینى یه‌كه‌م، له‌تیف ره‌شید سه‌رۆك كۆمارى تازه هه‌ڵبژێردراوى عێراق، محه‌مه‌د شیاع سوودانى بۆ پێكهێنانى حكومه‌ت راسپارد، به‌گوێره‌ى ده‌ستوور ده‌بێت له ماوه‌ى مانگێك پێكهاته‌ى حكومه‌تى نوێ ئاماده بكرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment