سەرۆک نێچیرڤان بارزانى پشتگیریى خۆى بۆ چاکسازییەکانى وەزارەتى پێشمەرگە دووپات دەکاتەوە
نوچەنێت:
ئەمڕۆ سێشه‌ممه (28/حوزەیران/2022) سەرۆک نێچیرڤان بارزانى، سه‌رۆكى هه‌رێمى كوردستان و فه‌رمانده‌ى گشتیى هێزى پێشمه‌رگه‌ى كوردستان، پێشوازى له جه‌نه‌راڵ جۆن برێنان فه‌رمانده‌ى هێزه‌كانى هاوپه‌یمانان له عیراق و سووریا و شاندێكى باڵاى سه‌ربازیى یاوه‌رى كرد.
سەرۆکایەتیى هەرێمى کوردستان لە ڕاگەیێندراوێکدا دەڵێت، "سه‌رۆك نێچیرڤان بارزانى سوپاس و پێزانینى هه‌رێمى كوردستانى بۆ ئه‌مه‌ریكا و هاوپه‌یمانان دووپات كرده‌وه بۆ ئه‌و پشتگیرى و هاوكارییه‌ى له كاتى شه‌ڕى دژى داعشدا و ئێستاش پێشكه‌ش به پێشمه‌رگه‌ى ده‌كه‌ن و جه‌ختى له پشتگیریى سه‌رۆكایه‌تیى هه‌رێمى كوردستان و حكوومه‌تى هه‌رێمى كوردستان بۆ پرۆسه‌ى چاكسازیى له وه‌زاره‌تى پێشمه‌رگه و یه‌كخستنه‌وه‌ى پێشمه‌رگه كرده‌وه."
لە بەرامبەردا جه‌نه‌رال برێنان دووپاتى كرده‌وه "كه ئه‌مه‌ریكا له پشتگیرى و یارمه‌تیدانى پێشمه‌رگه به‌رده‌وام ده‌بێت بۆ ئه‌وه‌ى له ژێر چه‌ترى وه‌زاره‌تى پێشمه‌رگه و یه‌ك فه‌رمانده‌ییدا كۆبكرێته‌وه و بكرێته هێزێكى نیشتمانیى پیشه‌گه‌ر كه به هێز و توانا بێت و بتوانێت ئه‌ركى خۆى جێبه‌جێ بكات."
جێگەى ئاماژەپێدانە، له كۆبوونه‌وه‌یه‌كدا بافڵ جه‌لال تاڵه‌بانى، سه‌رۆكى یه‌كێتیى نیشتمانیى كوردستان و به‌ڕێزان وه‌زیرى پێشمه‌رگه و سوپاسالارى پێشمه‌رگه و ژماره‌یه‌ك له فه‌رمانده و پله‌دارانى پێشمه‌رگه ئاماده بوون، "پرۆسه‌ى چاكسازى له وه‌زاره‌تى پێشمه‌رگه و دوایین هه‌نگاوه‌كانى یه‌كخستنه‌وه‌ى هێزى پێشمه‌رگه و گرفته‌كانى به‌رده‌م پرۆسه‌كه و پێشنیارێكى ئه‌مه‌ریكییه‌كان له‌مباره‌یه‌وه، تاوتوێ كران."
بەپێى ڕاگەیێندراوەکە، "دوایین پێشهاته‌كانى شه‌ڕى دژى تیرۆر و پێویستیى هاریكاریى نێوان پێشمه‌رگه و سوپاى عیراق و به‌رده‌وامیى پشتگیریى هاوپه‌یمانیى نێوده‌وڵه‌تیى بۆ عیراق و هه‌رێمى كوردستان، ته‌وه‌رێكى دیكه‌ى كۆبوونه‌وه‌كه بوو."
ئەم کۆبوونەوەیە لە کاتێکدایە، کە سەرۆک نێچیرڤان بارزانى، ڕۆژى (22-6-2022) لە کۆلێژى سەربازیی قەڵاچوالان لە وتارێکدا، دووپاتى کردەوە، پێویستە هەنگاوەکانى یەکخستنى هێزەکانى پێشمەرگەى کوردستان خێراتر بکرێت و پارتى و یەکێتى دەستى حیزب لەو هێزەکانى پێشمەرگە نەهێڵن و هەموو هێزەکان بخرێنەژێر دەسەڵاتى وەزارەتى پێشمەرگە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment