سەرۆک نێچیرڤان بارزانى لەگەڵ شاندێكى باڵاى سەربازی و ئه‌منیی عێراق کۆبووەوە
نوچەنێت:
ئەمڕۆ یەکشەممە (19/حوزەیران/2022) سەرۆک نێچیرڤان بارزانى، سه‌رۆكى هه‌رێمى كوردستان، پێشوازى له شاندێكى باڵاى سەربازی و ئه‌منیى عیراق به سه‌رۆكایه‌تیى جه‌نه‌راڵ عه‌بدولئه‌میر ره‌شید یاروڵڵا سه‌رۆكى ئه‌ركانى سوپاى عیراق كرد، كه پێکهاتبوون له فه‌رمانده‌كانى هێزى زه‌مینى، ئاسمانى، پاسه‌وانى سنوور، پۆلیسى فیدراڵى، هه‌واڵگرى، هه‌والگریی سه‌ربازى و ئۆپه‌راسیۆنه هاوبه‌شه‌كان و چه‌ند پله‌دارێكى دیكه‌ى سه‌ربازى و ئه‌منى.
سەرۆکایەتیى هەرێمى کوردستان لە ڕاگەیێندراوێکدا دەڵێت، "شانده‌كه پیرۆزبایییان له گۆڕانكارییه‌كانى ئه‌م دواییه‌ى وه‌زاره‌تى پێشمه‌رگه‌ى حكوومه‌تى هه‌رێمى كوردستان كرد و هیواى سه‌ركه‌وتنیان بۆ ئه‌و فه‌رمانده و پله‌دارانه خواست كه له پۆسته‌كانى وه‌زاره‌تدا ده‌ستبه‌كار بوون."
بەپێى ڕاگەیێندراوەکە، "شانده‌كه دووپاتى كرده‌وه كه سه‌ردانه‌كه‌یان به‌شێكه له به‌رنامه‌ى هاوكارى و هه‌ماهه‌نگیى سوپا له‌گه‌ڵ پێشمه‌رگه و ئاماده‌یییان بۆ به‌ره‌وپێشبردنى زیاترى په‌یوه‌ندییه‌كان و هاریكارى و هه‌ماهه‌نگیى وه‌زاره‌تى به‌رگریى عیراق له‌گه‌ڵ وه‌زاره‌تى پێشمه‌رگه و لایه‌نه په‌یوه‌نداره‌كانى هه‌رێمى كوردستان، نیشان دا."
سەرۆک نێچیرڤان بارزانى لە کۆبوونەکەدا، سوپاسى شاندەکەى کرد، "دووپاتى كرده‌وه كه سه‌ردانه‌كه‌یان په‌یامێكى به‌هێزى پشتگیرى و هاوكارییه و هیواى خواست به چاوى هاوبه‌ش و وه‌ك به‌شێك له سیستمى به‌رگریى عیراقى سه‌یرى پێشمه‌رگه بكرێت كه بۆ هه‌مان ئامانج كار ده‌كه‌ن، ئه‌ویش پاراستنى وڵات و ئارامى سه‌قامگیرییه."
ئەوەش هاتووە، "هه‌ڕه‌شه و جمووجووڵه‌كانى داعش به‌تایبه‌تى له‌و ناوچانه‌ى كه جوگرافیایه‌كى سه‌ختیان هه‌یه و له ناوچه‌كانى سه‌ر سنوور له‌گه‌ڵ سووریا، ته‌وه‌رێكى دیكه‌ى دیداره‌كه بوو. تیایدا هه‌ردوولا جه‌ختیان له گرنگیى هاریكارى و هه‌ماهه‌نگیى نێوان سوپا و پێشمه‌رگه و سوودوه‌رگرتن له پشتگیریى هاوپه‌یمانیى نێوده‌وڵه‌تى كرده‌وه بۆ بنه‌بڕكردنى یه‌كجاره‌كیى داعش."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment