ئافره‌تێكى سزادراو له چاكسازى بڕوانامه‌ى دپلۆم به‌ده‌ست ده‌هێنێ
لاڤین عومه‌ر، تایبه‌ت به نوچه‌نێت
ئه‌مڕۆ سێشه‌ممه پێنجى نیسانى 2022 وێنه‌ى ئافره‌تێك به ناوى "د.ب" بڵاوكرایه‌وه كه له كاتى وه‌رگرتنى رێزلێنانه له لایه‌ن كوێستان محه‌مه‌د وه‌زیرى كاروبارى كۆمه‌ڵایه‌تییه‌وه گیراوه. ئه‌و ئافره‌ته به 12 ساڵ سزاى گرتن گیراوه، ئێستا به هۆى به ده‌ستهێنانى بڕوانامه‌كه‌ى له ئازادبوون نزیك بووه‌ته‌وه.
بۆ به‌دواداچوونى زیاتر نوچه‌نێت په‌یوه‌ندى به رێبین حه‌وێزى كرد له به‌شى هه‌ماهه‌نگى و به‌دواداچوونە له چاكسازى ئافره‌تانى هه‌ولێر ئه‌و روونكردنه‌وه‌ى ئه‌وه‌ى دا، ئه‌و ئافره‌ته له ساڵى 2014 وه له چاكسازییه و به (12) ساڵ گرتن سزا دراوه، به‌ڵام به هۆى ئه‌وه‌ى "به‌ردانى مه‌رجدار" ده‌یگرێته‌وه ئه‌وا خه‌ریكه كاتى گرتنه‌كه‌ى ته‌واو ده‌بێت.
رێبین حه‌وێزى گوتى، "ئەو ئافرەتە بە دوو مادەی یاسایی سزا دراوە، مادەیی یاسایی (421و 422) لە یاسایی سزادانی عێراقی ماوەی حکومەکەی (12) ساڵە، واتا (5بە 7) ساڵ سزاکەیەتی بە هەر دوو مادە دەکاتە (12) ساڵ لە دادگای باڵا سزا دراوە، له دایكبووى (1997) لە ساڵی (2014)وە لای ئێمەیە، بەڵام لەبەر ئەوەی شمولی ئیفراج شەرتی (به‌ردانى مه‌رجدار) دەکات. ئەو بڕگه‌یه‌یش لە دەستی توێژەرانی کۆمەڵایەتییە کە هەر کاتێک هەر بەندکراوێک و سزدراوێک لە ژوورەوە پابەندی رێنماییەکانی چاکسازیی بێت بەبێ کێشە حکومەکەی خۆی تەواو بکات، توێژەری کۆمەڵایەتی بۆی هەیە راپۆرتێک بەرزبکاتەوە بۆ داواکاری گشتی لەوێشەوە بۆ دادوەر تا بڕیارى به‌ردانى مه‌رجدارى بدەنێ".
له لێدوانه‌كه‌ى رێبین حه‌وێزى روونكردنه‌وه‌ى زیاترى له‌سه‌ر "به‌ردانى مه‌رجدار" دا و گوتى، "هه‌ر به‌ندكراوێكى گه‌وره له ساڵێكدا سێ مانگ به‌ردانى به مه‌رجى هه‌یه، بۆ نه‌وجه‌وانانیش له ساڵێكدا چوار مانگه، بۆیه ئینجا ئەو نزیکەی هەشت ساڵە دانیشتووە نزیکەی چوار ساڵ ئیفراج شەرتی وەرگرتووە، بۆیە لە کاتێکی نزیکدا (د.ب) ئازاد دەبێت"
رێبین حه‌وێزى دووپاتى له‌سه‌ر ئه‌وه كرده‌وه ئه‌و ئافره‌ته‌ى دبلۆمى به‌ده‌ستهێناوه تاكه ئافره‌ت نییه له چاكسازى ده‌خوێنێ، به‌ڵكو ژماره‌یه‌كى زۆر ده‌خوێنن، به‌ڵام گوتیش، "ژمارەی ئەو قوتابییانە بەرزونزم دەبێت، بەڵام لە ئێستادا نزیکە (40) قوتابی لە قوتابخانەی رووناکی بۆ خوێندنی خێرا لەناو چاکسازی ژنان و منداڵانی هەولێر، دەخوێنن ئێستا، لەگەڵ ئەوەی (د.ب) دبلۆمی تەواو کرد، باشتر لەوە ئەوەیە کە پەیمانگای گەشەی تایبەتی تەکنیکی ئامادەییان دەربڕی کە رۆژانە چەند مامۆستایەک بێن لەناو چاکسازی دەرسی پێبڵێن بەبێ هیچ بڕە پارەیەک لە ئەستۆی خۆیان وەکو دیارییەک لە وەبەرهێنەری پەیمانگای گەشە ئەندازیار (شاخەوان تەڵعەت ) ئەوەی کردە دیاری بۆ ئەو لەوەش گرنگتر بڕیاریانداوە لە ماوەیەکی نزیک لەکاتی ئازادبوونیدا هەر لە پەیمانگای گەشە دابمەزرێت".
رێبین حه‌وێزى له‌كۆتایى لێدوانه‌كه‌ى زانیارى ئه‌وه‌ى به نوچه‌نێت دا له به‌شى چاكسازى ئافره‌تان 200 ئافره‌ت هه‌ن، به راگیراو و سزادراوه‌وه".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment