ئەمریکا و یەکێتی ئەوروپا رێککەوتنێکیان واژۆکرد عێراق ناوچەکە و جیهان

نوچەنێت

ئەمڕۆ هەینی، ئەمریکا و یەکێتی ئەوروپا رێککەوتنێکیان واژۆکرد بۆ ناردنی گازی سروشتی ئەمریکا بۆ ئەو وڵاتانە و کەمکردنەوەی پشتبەستنی وڵاتەکان بە گازی سروشتی روسیا.

ئەمڕۆ هەینی( 25/ئازار/2022) ئەمریکا رێککەوتنێکی لەگەڵ یەکێتی ئەوروپا واژۆکرد. بە پێی رێککەوتنەکە تاوەکو کۆتایی ساڵ، ئەمریکا بەلایەنی کەم 15 ملیار مەتر سێ جای دیکە سوتەمەنی جۆری LNG بۆ وڵاتانی یەکێتی ئەوروپا دابین دەکات.  

بەهۆی هێرشی روسیا بۆسەر وڵاتی ئۆکرانیا، وڵاتانی یەکێتی ئەوروپا دەڵین: هاوردەکردنی گازی روسیا رادەگرین.   

رێککەوتنەکە لەکاتی سەردانی جۆ بایدن، سەرۆکی ویلایەتە یەکگرتووەکانی ئەمریکا بۆ بەلجیکا و بەشداریی لە کۆبوونەوەی یەکێتیی ئەوروپا و لوتکەی ناتۆ ئەنجام درا و لە کۆنگرەیەکی رۆژنامەوانیدا رایگەیاند:ئەمریکا هەناردەی گازی سروشتی بۆ ئەروپا 15ملیار مەترسێجا زیاد-دەکات. 

ئۆرسولا ڤۆندەرلاین، سەرۆکی کۆمیسیۆنی یەکێتی ئەوروپا لە هەمان کۆنگرەی رۆژنامەوانیدا گوتی: سزاکانمان کاریگەریی گەورەیان لەسەر روسیا هەبووە و پاڵپشتی ئەمریکا وا دەکات کەمتر پشت بە وزەی روسیا ببەستین.  

بەپێی رێککەوتنەکە، ئامانجی ئەمریکا ئەوەیە تاوەکو ساڵی 2030، قەبارەی هەناردەی گازی سروشتی ساڵانە بۆ یەکێتیی ئەوروپا بگەیێنێتە 50 ملیار مەتر سێجا. 

https://www.radiofarda.com/a/u-s-eu-lng-deal-to-help-europe-off-russian-gas/31770407.html

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین