Nuce Logo

ئەم دەنگدانە بە "مێژویی" وەسفکرا، 141 لە 193 وڵات یەکەم دەقی نابەستراویان پەسەند کرد کە "داوا لە ڕوسیا دەکات دەستبەجێ واز لە بەکارهێنانی هێز لە دژی ئۆکرانیا بهێنن".ھەریەک لە روسیا، بێلاڕوس، کۆریای باکوور، ئێریتیریا و سوریا لە دژی بڕیارەکە وەستانەوە و چینیش دەنگی نەدا.

لەم بڕیارەدا داوا لە فیدراسیۆنی ڕوسیا دەکرێت، دەستبەجێ دژایەتییەکانی دژی ئۆکرانیا بوەستێنێت، بەتایبەتی هێرشەسەربازییەکان دژی خەڵکی مەدەنی و شوێنە مەدەنییەکان.

دیپلۆماسیەتی ئەمەریکا جەختی لەوە کردەوە، کە وڵاتانی ئەندام جەختیان لەوە کردووەتەوە کە بەرپرسیارێتی ئەو قەیرانە مرۆیی و توندوتیژیە مەترسیدارەی لە ئۆکرانیا هەیە بە تەنیا لە ئەستۆی روسیایە.

کۆمەڵەی گشتی نەتەوەیەکگرتووەکان، سەرلەنوێ دەستی بە دانیشتنی نائاسایی بۆ راکێشانی سەرنج بۆسەر لێکەوتە مرۆییەکانی شەڕی ئۆکرانیا کردەوە.

به‌وشێوه‌یه‌ کۆمەڵەی گشتی نەتەوەیەکگرتووەکان، بڕیاری دووەمی کە فشارەکانی سەر روسیا زیاد دەکات و پەراوێزخستنی دیپلۆماسی روسیا قوڵتر دەکاته‌وه‌، پەسەندکرد.

لە بڕیارەکەدا، سەرنج خراوەتە سەر ھێرشەکانی روسیا کە "زیانی مرۆیی بە رێژەیەک لێکەوتووەتەوە کە کۆمەڵگەی نێودەوڵەتی چەندین دەیەیە لە ئەوروپا نەیبینیوە".

لە بڕیارەکەدا، بانگەوازی روسیا کراوە کە کۆتایی بە ھێرشەکانی بھێنێت و سەرجەم ھێزەکان دەستبەجێ و بەبێ مەرج لە ئۆکرانیا بکشێنێتەوە.

هه‌ر لە بڕیارەکەدا، ئاماژە بە نیگەرانیی قوڵ لە بەرامبەر دۆخی مرۆیی لە ئۆکرانیا کە تادێت بەرەو خراپبوون دەچێت و کوژرانی مەدەنییەکان و پێشێلکارییەکانی مافەکانی مرۆڤ و بانگەوازی ناردنی ھاوکاریی زیاتر بۆ ئۆکرانیا و چاککردنی دۆخی مرۆیی لە وڵاتەکە، کراوە.

https://www.france24.com/ar/%D8%A7%D9%84%D8%A3%D8%AE%D8%A8%D8%A7%D8%B1%D8%A7%D9%84%D9%85%D8%B3%D8%AA%D9%85%D8%B1%D8%A9/20220324-%D8%A7%D9%84%D8%A3%D9%85%D9%85-%D8%A7%D9%84%D9%85%D8%AA%D8%AD%D8%AF%D8%A9-%D8%AA%D8%B7%D8%A7%D9%84%D8%A8-%D8%B1%D9%88%D8%B3%D9%8A%D8%A7-%D8%A8%D8%A5%D9%86%D9%87%D8%A7%D8%A1-%D9%81%D9%88%D8%B1%D9%8A-%D9%84%D9%84%D8%AD%D8%B1%D8%A8-%D9%81%D9%8A-%D8%A3%D9%88%D9%83%D8%B1%D8%A7%D9%86%D9%8A%D8%A7