Nuce Logo

ئەمڕۆ چوارشەممە( 23/ئازار/2022) جۆبایدن سەرۆکی ویلایەتە یەکگرتووەکانی ئەمریکا، لە کاتی چوونی بۆ برۆکسل بە مەبەستی بەشداربوون لە کۆبوونەوەی لوتکەی ناتۆ بە رۆژنامەوانانی راگەیاند: بەکارهێنانی چەکی کیمیایی لەلایەن روسیاوە هەڕەشەیەکی جددییە. 

چاوەڕێدەکرێت لە کۆبوونەوەی رۆژی پێنج شەممەدا، لوتکەی ناتۆ بڕیار لەسەر ناردنی سەربازی زیاتر بۆ رۆژهەڵاتی ئەوروپا بدەن، هەروەها بژرادەی یارمەتی سەربازی بۆ ئۆکرانیا رابگەیێنن. 

ماوەی مانگێکە روسیا هێرشی بۆ سەر وڵاتی ئۆکرانیا دەستپێکردووە، ڤلۆدیمیر زیلینسکی سەرۆکی ئۆکرانیا چەندینجار داوای هاوکاری لە وڵاتانی ئەوروپا کردووە بەڵام ناتۆ رەتیدەکردەوە کە بەشێوەی سەربازی هاوکاری ئۆکرانیا بکەن، بڕیارە لە کۆبوونەوەکەی سبەینێ بەشێوەی ئۆنلاین بەشداری لە کۆبوونەوەکەی ناتۆ بکات. 

لەگەڵ ئەوەی بەرپرسێکی باڵای هێزی بەرگری ئەمریکا رایگەیاندووە: ئەمریکا هیچ بەڵگەیەکی بە دەستەوەنییە کە نیەتی روسیا بۆ بەکارهێنانی چەکی کیمیایی پیشانبدات، بەڵام جۆبایدن لەم کۆنگرە رۆژنامەوانییەدا جەختی لەوەکردەوە کە روسیا بە دوای بیاوویەکدا دەگەڕیت بۆ ئەوەی چەکی کیمیایی لە دژی ئۆکرانیا بەکاربهێنێت.

https://www.irna.ir/news/84694159/%D8%A8%D8%A7%DB%8C%D8%AF%D9%86-%D8%A7%D8%B3%D8%AA%D9%81%D8%A7%D8%AF%D9%87-%D8%B1%D9%88%D8%B3%DB%8C%D9%87-%D8%A7%D8%B2-%D8%B3%D9%84%D8%A7%D8%AD-%D8%B4%DB%8C%D9%85%DB%8C%D8%A7%DB%8C%DB%8C-%D8%AF%D8%B1-%D8%A7%D9%88%DA%A9%D8%B1%D8%A7%DB%8C%D9%86-%DB%8C%DA%A9-%D8%AA%D9%87%D8%AF%DB%8C%D8%AF-%D9%88%D8%A7%D9%82%D8%B9%DB%8C