پارێزگارى مووسڵ هۆشداریى به كازمى ده‌دات
.jpg)
نوچه‌نێت
ئه‌مڕۆ پێنجشه‌ممه شه‌شى ئایار، نه‌جم جبوورى پارێزگارى مووسڵ نامه‌یه‌كى ئاراسته‌ى مسته‌فا كازمى كردووه میدیاكانى عێراق ناوه‌ڕۆكه‌كه‌یان بڵاوكردووه‌ته‌وه. له نامه‌كه‌دا پارێزگارى مووسڵ كازمى له گێڕانه‌وه‌ى كه‌سوكارى تیرۆریستانى داعش له كه‌مپى هۆله‌وه بۆ كه‌مپى جه‌دعه له باشوورى مووسڵ ئاگادار ده‌كاته‌وه.
نه‌جم جبوورى له نووسراوه‌كه‌ى باسى له‌وه كردووه ناڕه‌زاییه‌كى فراوانى جه‌ماوه‌رى له‌دژى گێڕانه‌وه‌ى كه‌سوكارى تیرۆریستانى داعش هه‌یه و به تایبه‌تى له‌نێو ئه‌وانه‌ى بوونه‌ته قوربانى شه‌ڕه‌كانى تیرۆریستانى داعش.
بۆیه هۆشدارى ده‌دات و پێشبینى ده‌كات له حاڵه‌تى دانانى كه‌مپه‌كه له‌وانه‌یه خه‌ڵك هێرش بكه‌نه سه‌ر كه‌مپه‌كه و بارودۆخه‌كه له‌ده‌ست ده‌ربچێت.
دوێنێ په‌رله‌مانتارانى عێراق ئاشكرایان كرد، 100 خێزانى داعش كه ژماره‌یان 700 كه‌س ده‌بێت له كه‌مپى هۆله‌وه به‌ره‌و كه‌مپى جه‌دعه له ناحیه‌ى گه‌یاره‌ى باشوورى مووسڵ به‌ڕی كراون، بۆئه‌وه‌ى له‌و كه‌مپه نوێیه‌دا جێگیر بكرێن.
ئه‌مڕۆ شێروان دووبه‌ردانى سه‌رۆكى لیژنه‌ى هه‌رێم و پارێزگاكان له په‌رله‌مانى عێراق به كه‌ناڵى "رووداو"ى راگه‌یاندووه بڕیاره‌كه له لایه‌ن حكومه‌تى عێراقه‌وه راگیراوه، شێروان دووبه‌ردانى ده‌ڵێ، "لەلایەن حکومەتی عێراقەوە ئاگادارکراینەوە کە ئەو بڕیارەی بۆ گواستنەوەی 100 خێزانی چەکدارانی پێشووی داعش کە لە 700 کەس پیکهاتبوون هەبوو، راگیراوە".
پێشتر حكومه‌تى عێراق بڕیارى داوه كه‌سوكارى تیرۆریستانى داعش له سووریاوه كه له كه‌مپه‌كانى ژێر ده‌سه‌ڵاتى هه‌سه‌ده‌ن، بۆ عێراق بگێڕێته‌وه و له ده‌ره‌وه‌ى شاره‌كان نیشته‌جێیان بكات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment