لە ماوەی یەک ساڵدا 12 هەزار و 348 حاڵەتی جیابوونەوە تۆمارکراوە هەواڵ

نوچەنێت: ئافرەتان

بە گوێرەی ئاماری ئەنجوومەنی دادوەری ھەرێمی کوردستان، لە ماوەی ساڵی 2024، 12هەزار و 348حاڵەتی  جیابوونەوە تۆمارکراون.

ئەمڕۆ سێ شەممە (18 /ئازار/2025) ئەنجوومەنی دادوەری هەرێمی کوردستان، ئاماری باری کەسی لە هەرێمی کوردستان بڵاوکردەووە، کە تێیدا ئاماژە 51 هەزار و 18حاڵەتی مارەبڕین و 12هەزار و 348حاڵەتی جیابوونەوە کراوە.

لە ئامارەکەدا هاتووە، لە ماوەی ساڵی 2024دا، 51ھەزار 18پڕۆسەی مارەبڕین لە داگاکانی ھەرێمی کوردستان ئەنجامدراوە.  12ھەزار و 348حاڵەتی جیابوونەوە و (98) گرێبەستی ژنی دووەم تۆمارکراوە.

بە گوێرەی ئامارەکەی ئەنجوومەنی باڵای دادوەری ھەرێمی کوردستان، لە ساڵی 2024ھاوسەرگیری بەراورد بە ساڵی 2023 لە ھەولێر 48 حاڵەت زیادیکردووە. هاوسەرگیری لە سلێمانی، ھەزار و 905حاڵەت کەمی کردوە، لە کەرکوک و گەرمیان 88حاڵەت زیادیکردوە و لە دھۆک 300حاڵەت کەمی کردووە.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین