سه‌رۆك نێچیرڤان بارزانى: ئاشتى هه‌ورامى ڕۆڵێكى گه‌وره‌ى له‌به‌ره‌وپێشبردنى كه‌رتى نه‌وت له‌هه‌رێمى كوردستاندا گێڕا
نوچە نێت
ئەمڕۆ یەكشەممە (21-10-2024) سەرۆك نێچیرڤان بارزانی، سەرۆكی هەرێمی كوردستان بۆ كۆچی دوایی د. ئاشتی هەورامی، وەزیری پێشووی سامانە سروشتییەكانی حكومەتی هەرێمی كوردستان پرسەنامەیەك ئاراستەی كەسوكاری دەكات و دەڵێت، "خوالێخۆشبوو د. ئاشتى هه‌ورامى، به لێهاتوویى و دڵسۆزى خزمه‌تى به هه‌رێمى كوردستان كرد و به شاره‌زایى و پسپۆرى و تواناكانى، ڕۆڵێكى گه‌وره‌ى له بنیتانانى ژێرخان و به‌ره‌وپێشبردنى كه‌رتى نه‌وت له هه‌رێمى كوردستاندا گێڕا."
ئاشتی هەورامی لە کابینەکانی شەشەم، حەوتەم و هەشتەمی حکومەتی هەرێمی کوردستان وەزیری سامانە سرووشتییەکان بوو. هەروەها لە کابینەی نۆیەمدا یاریدەدەری سەرۆکوەزیران بوو بۆ کاروباری وزە.
دەقی پرسەنامەكەی سەرۆك نێچیرڤان بارزانی، سەرۆكی هەرێمی كوردستان:
بۆ كۆچى دواییى خوالێخۆشبوو د. ئاشتى هه‌ورامى، وه‌زیرى پێشووى سامانه سروشتییه‌كانى حكوومه‌تى هه‌رێمى كوردستان، پرسه و سه‌ره‌خۆشیى قووڵم ئاراسته‌ى خانه‌واده و كه‌سوكار و هاوڕێ و هاوكارانى ده‌كه‌م، هاوسۆز و هاوبه‌شى خه‌میانم. له خواى مه‌زن داواكارم گیانى به به‌زه‌یى و میهره‌بانیى خۆى شاد بكات و ئارامى و دڵنه‌وایى به هه‌موو لایه‌ك ببه‌خشێت.
له ماوه‌ى كار و ئه‌ركه‌كه‌یدا، خوالێخۆشبوو د. ئاشتى هه‌ورامى، به لێهاتوویى و دڵسۆزى خزمه‌تى به هه‌رێمى كوردستان كرد و به شاره‌زایى و پسپۆرى و تواناكانى، ڕۆڵێكى گه‌وره‌ى له بنیتانانى ژێرخان و به‌ره‌وپێشبردنى كه‌رتى نه‌وت له هه‌رێمى كوردستاندا گێڕا.
یادى به خێر و گیانى شاد بێت.
نێچیرڤان بارزانى
سه‌رۆكى هه‌رێمى كوردستان
2024/10/21
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment