تورکیا نیگەرانە لە ئەمریکا لەوەی ماوەی گەمارۆکانی بۆ سەر سووریا درێژکردۆتەوە تورکیە

نوچە نێت

وتەبێژی وەزارەتی دەرەوەی تورکیا لە راگەیێندراوێکدا رایگەیاند، "نوێکردنەوەی سزای گەمارۆکان بۆ سەر سووریا لەلایەن واشنتۆنەوە لەگەڵ ڕاستییەکانی خاکی سووریا ناتەبایە."

ئەمڕۆ یەکشەممە (13/تشرینی یەکەم/2024) ماڵپەڕی (سی ئێن ئێنبڵاوی کردەوە، ئۆنجو کەچەلی، وتەبێژی وەزارەتی دەرەوەی تورکیا نیگەرانییەکانی وڵاتەکەی لە بەرامبەر بەرپرسانی واشنتۆن راگەیاندوو و لەراگەیێندراوێکدا دەڵێت، "درێژکردنەوەی فەرمانی سەرۆکایەتی ژمارە (13894)، کە گەمارۆی سزاکان لەلایەن ئەمریکاوە بۆ ساڵێکی تر لە چوارچێوەی دواین پێشهایەکانی سووریا هەرگیز لەگەڵ ڕاستییەکانی سەر خاکی سووریا ناگونجێت." 

وتەبێژی وەزارەتی دەرەوەی تورکیا ئاماژە بەوە دەکات، "ئێمە پشتیوانی لە سیاسەتەکانی وڵاتەکەمان دەکەین کە یەکپارچەیی خاکی سووریا و یەکگرتوویی سیاسی لە پێشینە دادەنێین، لەبڕی دانانەوەی ئەو جۆرە ڕێو شوێنە پێشوەختانە، هاوکاردەبێت بۆ سەقامگیری ناوچەکە."

بڕیاری درێژکردنەوەی فەرمانی سەرۆکایەتی ژمارە(13894) سەرۆکایەتی واشنتۆن لە ساڵی (2019) بەگوێرەی پێشهاتەکانی سووریا بۆ ماوەی ساڵێک دەرچوو، ئەمریکا سزا بەسەر زۆرێک لە لایەنگرانی رژێمی سووریا دەسەپێنێت، هەروەها ئەو سزایانە ئەو کەس و دەزگایانە دەگرێتەوە کە رێگرن لە چارەسەری ململانێی سیاسی سووریا و دۆخی شڵەژاوی ناوچەکە و جگەلەمەش چەندین پێشێلکردنی مافی مرۆڤ ئەنجام دەدەن و پاڵپشتی رژێمی بەشار ئەسەدن

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین