عێراق لە پلەی دووەمی وڵاتاندایە بۆ هەناردەکردنی نەوتی خاو بۆ ئەمەریکا کوردستان- عێراق

نوچە نێت

عێراق لە پلەی دووەمی ئەم وڵاتانەیە کە نەوتی خاو دەنێرن بۆ ئەمەریکا، تەنیا لە مانگی حوزەیرانی ئەمساڵدا بە بەهای زیاتر لە (511) ملیۆن دۆلار نەوتی خاوی هەناردە کردووە.

ڕۆژی سێشەممە (20/ئاب/2024) ماڵپەڕی (شەفەق نیوز) بڵاویکردەوە، بە گوێرەی داتاکانی وەزارەتی بازرگانی ئەمەریکا، "وڵاتانی عەرەبی لە مانگی حوزەیران 16,430,000)) بەرمیل نەوتی خاویان بە بەهای (1.41) ملیار دۆلار هەناردەی ئەمەریکا کردووە".

داتاکان ئەوە ئاشکرا دەکەن، "هەناردەکردنی نەوتی سعوودیە بەهاکەی 616,150,000)) دۆلار بووە، لە پلەی یەکەمی لیستەکەیە، نزیکەی (7.15) ملیۆن بەرمیل نەوتی خاوی هەناردە کردووە. عێراق (6.05) ملیۆن بەرمیل نەوتی بە بەهای (511.33) ملیۆن دۆلار لە پلەی دووەمدایە".

وڵاتی ئیمارات لە پلەی سێیەم دایە، "(2) ملیۆن بەرمیل نەوتی خاوی هەناردە کردووە، بە بەهای (175,81) ملیۆن دۆلار، هەناردەکردنی نەوتی خاوی لیبیاش بۆ ئەمەریکا گەیشتووەتە (1.23) ملیۆن بەرمیل بە بەهای )107.64( ملیۆن دۆلار، لە پلەی چوارەمدایە.

هەر بە گوێرەی داتا بڵاوکراوەکان، "کوەیت پلەی پێنجەمی وەرگرتووە لە هەناردەکردنی نەوتی خاو بۆ ئەمەریکا، (692) هەزار بەرمیلی ڕەوانە کردووە، بە بەهای (58) ملیۆن و (334) هەزار دۆلار.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین