میرى کوردانى ئێزیدى پەیامێک بڵاودەکاتەوە کوردستانی

نوچه‌ نێت

میر حازم تەحسین بەگ ، میری کوردانی ئێزدی داوا لە ئێزدییەکان دەکات لە هەڵبژاردنی ئەنجوومەنی پارێزگاکانی عێراقدا بەشداربن و دەشڵێت، ''دەنگ بە کاندیدانى ئێزدی و ئەو کەسانە بدەن کە مافی ئێزدییان دەپارێزن.''

ئەمڕۆ یەکشەممە (17/ كانوونى یەکەم/ 2023) میری کوردانی ئێزدی لە کۆنفرانسێکی رۆژنامەوانیدا داوای لە کوردانی ئێزدی کرد، بەشداری هەڵبژاردنەکەدا بکەن و دەنگ بە کاندیدانى ئێزدی یان ئەو کەسانە بدەن کە کار بۆ ئێزدییان دەکەن.

میر حازم ئاماژەى بەوەش کرد، دەبێ دەنگ بەو کەسانە بدرێت کە بە هانای ئێزدییانەوە دێن و کار بۆ شنگال دەکەن.

هەروەک گوتیشى، "هەرچەندە ژمارەی ئەندامانی ئێزدی لە ئەنجوومەنی پارێزگاکاندا زیاتر بێت، لە بەرژەوەندیی کوردانی ئێزدییە، چونکە زیاتر دەتوانن بەرگریی لە مافەکانی خۆیان بکەن، ئەوە نۆ ساڵە خەڵکی ئێمە لە کەمپەکاندا دەژین.''

میر حازم تەحسین بەگ لە بەشێکى دیکەى قسەکانى جەختى لەسەر ئەوە کردەوە، ئەم هەڵبژاردنە بۆ ئێمەی ئێزدی زۆر گرنگە و نزیکەی (80٪)ـی کوردی ئێزدی سەر بە پارێزاى موسڵن، با دەنگ کاندیدى ئێزیدى بدەن، بۆ ئەوەی بەرگری لە شنگال، شێخان و کوردستان بکەن.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین