ئەنجوومەنی وەزیران لەبارەی فرۆشتنی کارەبا بە بەغدا ڕاگەیێندراوێکی بڵاوکردەوە
نوچەنێت:
ئەمڕۆ چوارشەممە (١٣/کانوونی یەکەم/٢٠٢٣) بە سەرپەرشتیی مەسرور بارزانی، سەرۆکی وەزیرانی ھەرێمی کوردستان و بە ئامادەبوونی قوباد تاڵەبانی جێگری سەرۆکوەزیران، ئەنجومەنی وەزیرانی ھەرێمی کوردستان کۆبووەوە.
بەپێی ڕاگەیێندراوی حکومەتی ھەرێمی کوردستان، لە کۆبوونەوەکەدا، "ئەنجومەنی وەزیران بە کۆی دەنگ، ڕاسپاردە و چارەسەرەکانی تایبەت بە پرسی زیادبوونی حالەتەکانی توندوتیژی دژی ژنان پەسەند کرد، کە لەلایەن جێگری سەرۆکوەزیران لە کۆبوونەوەی پێشووی ئەنجومەن خرابووە ڕوو."
ھەروەھا دواتر کەمال محەمەد، وەزیری کارەبا ڕایگەیاند، "ئێستا ٣٤٧٣ مێگاوات کارەبا بەرھەم دەھێنرێت و ڕەوشی کارەبای نیشتیمانی دوای کوژانەوەی گشتی، ئاسایی بووەتەوە و یەکەکانی بەرھەمھێنانی کارەبا و دەمژمێرەکانی ھەبوونی کارەبای نیشتیمانی لە نێوان ٨ بۆ ١٠ دەمژمێرە."
وەزیری کارەبا "ئەو دەنگۆیانەی بە ناڕاست دانا کە ھەرێمی کوردستان لە وزەی کارەبای بەرھەمھاتووی نیشتیمانیی خۆی بە ناوچەکانی دیکەی عێراق دەفرۆشێتەوە، بەڵکوو ڕوونیکردەوە کە بەرھەمی کارەبای ھەرێم، دادپەروەرانە بەسەر سەرجەم ناوچەکانی ھەرێمی کوردستان دابەش دەکرێت."
لە ڕاگەیێندراوەکەدا ھاتووە، وەزارەتی کارەبا ڕاسپێردرا کە بەردەوام بن لە ھەوڵ و پرۆژەکانیان بە ئاراستەی چارەسەرکردنی کێشەکان بە مەرجێک بارگرانی لە ئەستۆی ھاووڵاتیان دروست نەکرێت و ھەروەھا پێویستە وەزارەت برەو بە ھەوڵەکانیان بدەن بۆ دۆزینەوەی سەرچاوەی وزەی کارەبای جێگرەوە پشت بەست بە سەرچاوەی پاک بە تایبەتیش سەرچاوەی وزەی خۆر.
ھاوکات ئاوات شێخ جەناب، وەزیری دارایی و ئابووری، ئەنجامی سەردانەکەیان لەگەڵ ڕێبەر ئەحمەد وەزیری ناوخۆ بۆ بەغدا خستەڕوو کە بۆ گفتوگۆکردن بوو لەبارەی برەودان بە ھەماھەنگی و ھاریکاریی ھەردوو حکومەتی فیدڕاڵ و ھەرێم سەبارەت بە کاروباری دەروازە سنوورییەکان و گومرگ بە ڕەچاوکردنی دەسەڵاتە دەستوورییەکان و پەرەپێدانی ھەمەچەشنکردنی سەرچاوەکانی داھات لە عێراق و ھەرێم بە ئاراستەی زیادکردنی داھاتی گشتی و خەرجکردنەوەی لە پڕۆژەکانی خزمەتی گشتیدا.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment