سەرۆکی پەرلەمانی ئێران هۆشداری دەداتە رووسیا
نوچەنێت:
لە دانیشتنی ئەمڕۆ یەکشەممە (16ی تەمموزی 2023) پەرلەمانی ئێران، محەممەد باقر قالیباف سەرۆکی پەرلەمانی ئێران رایگەیاند: پەرلەمان ناوەڕۆکی بەیاننامەی هاوبەشی وڵاتانی کەنداوی فارس و رووسیا، سەبارەت بە سێ دوورگەی ئێرانی، بە توندی رەتدەکاتەوە و دەشڵێت، بە دراوسێکانی ئێران لەوان رووسیا رادەگەیەنین کە پاراستنی سەقامگیری و گەشەی ئابووری ناوچەکە، تەنیا لە سەر بنەمای رەچاوکردنی بنەماکانی دراوسێیەتی باش، لەوانەش رێزگرتن لە یەکپارچەیی خاکی وڵاتەکەمان دەبێت.
لە کۆبوونەوەی هاوبەشی هەفتەی رابردووی وەزیرانی دەرەوەی وڵاتانی ئەندامی ئەنجومەنی هاوکاری کەنداوی فارس و رووسیا، بەیاننامەیەکی هاوبەش واژۆ کرا، کە تێیدا وەزیرەکان پشتیوانی خۆیان بۆ هەموو "هەوڵە ئاشتیخوازەکان، لەوانەش دەستپێشخەریی ئیمارات و هەوڵەکان بۆ گەیشتن بە چارەسەرێکی ئاشتیانە لە پرسی سێ دوورگەی تونبی گەورە، تونبی بچووک و ئەبو موسا، لە رێگەی دانوستانەکانی دوولایەنە یان دادگای دادوەری نێودەوڵەتی وخەختیان کردەوە و ئەم پرسەیان پەیوەندیدار بە پابەندبوون بە بڕگەکانی یاسا نێودەوڵەتییەکان و میساقی نەتەوە یەکگرتووەکانەوە ناوبرد.
ئەم بەشەی بەیاننامەکە کاردانەوەی توندی بیروڕای گشتی ئێرانی بەدوای خۆیدا هێنا و دوای دوو رۆژ لە بڵاوبوونەوەی بەیاننامەکە، وەزارەتی دەرەوەی ئێران سەرەتا بەیاننامەکەی بە رەتکراوە ناوبرد، وەک نیشانەی باڵیۆزی رووسیای لە تاران وەک ناڕەزایەتی دەربڕین بانگهێشتی وەزارەتەکە کرد.
قالیباف لە بەشێکی دیکەی قسەکانیدا دەڵێت، رووسیا کە خۆی قوربانی فراوانخوازی جیۆپۆلەتیکی رۆژاوا و ناتۆیە و لەدژی دەجەنگێت، نابێت یارمەتی پلانی جیۆپۆلەتیکی رۆژئاوا بدات بۆ تێکدانی سەقامگیری کەنداوی فارس، لە کاتێکدا ئێران تاکە گەرەنتی سەقامگیرییە لە کەنداوی فارس. وە پلانە مەترسیدارەکانی ڕۆژئاوا لەم ناوچە هەستیارەدا بێلایەن دەکات”.
لە بەیاننامەیەکدا کۆمەڵێک لە باڵیۆز و دیپلۆماتکارانی پێشووی کۆماری ئیسلامی رەخنەیان لە ئەدای وەزارەتی دەرەوەی ئێران بەرامبەر بە رەفتارەکانی رووسیا و پاڵپشتی ئەو وڵاتە لە هەڵوێستی ئیمارات لەسەر ئەو سێ دوورگەیە گرت و رایانگەیاندووە، کە "رووسیاش هاوشێوەی چین، یەکپارچەیی خاکی ئێران کردۆتە بەرژەوەندی خۆی".
سەرچاوە: بی بی سی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment