سه‌رۆكى هه‌رێمى كوردستان له‌گه‌ڵ ڕاوێژكارى ئه‌ڵمانیا كۆبووه‌وه
نوچەنێت:
ئێواره‌ى ئه‌مڕۆ دووشه‌ممه (26/حوزەیران/2023) نێچیرڤان بارزانى، سه‌رۆكى هه‌رێمى كوردستان له به‌رلین له‌گه‌ڵ ئۆلاف شۆڵتز ڕاوێژكارى ئه‌ڵمانیا كۆبووه‌وه.
سەرۆکایەتیى هەرێمى کوردستان لە ڕاگەیێندراوێکدا دەڵێت، هه‌ردوولا "په‌یوه‌ندییه‌كانى ئه‌ڵمانیا له‌گه‌ڵ عێراق و هه‌رێمى كوردستان، دۆخى عێراق و هه‌رێمى كوردستان، په‌یوه‌ندییه‌كانى هه‌ولێر ـ به‌غدا، ئاڵنگارییه‌كانى به‌رده‌م عێراق و هه‌ڕه‌شه و مه‌ترسییه‌كان"، تاوتوێ کرد.
لە کۆبوونەوەکەدا سه‌رۆك نێچیرڤان بارزانى "سوپاس و پێزانینى بۆ هاوكارى و پشتگیریى ئه‌ڵمانیا له عێراق و هه‌رێمى كوردستان له بوارى سه‌ربازى، ئابوورى، مرۆیى و په‌ره‌پێداندا ده‌ربڕى، هه‌روه‌ها سوپاسى په‌رله‌مانى ئه‌ڵمانیاى كرد بۆ ناساندنى تاوانه‌كانى داعش و كۆمه‌ڵكوژیى ئێزدییان به جینۆساید."
هاوكات سەرۆکى هەرێمى کوردستان، "خۆشحاڵى به ئاستى په‌یوه‌ندییه‌كانى ئه‌ڵمانیا له‌گه‌ڵ عێراق و هه‌رێمى كوردستان و لێكگه‌یشتن و ڕێككه‌وتنه‌كانى نێوان هه‌ردوولا نیشان دا، هه‌روه‌ها هیواى خواست هه‌رێمى كوردستانیش سوودیان لێ ببینێت. له‌مباره‌یه‌وه هه‌موو ئاسانكارى و پشتگیرییه‌كى هه‌رێمى كوردستانى بۆ وه‌به‌رهێنان و سه‌رمایه‌گوزاریى كۆمپانیاكان و كه‌رتى تایبه‌تى ئه‌ڵمانى ده‌ربڕى."
سه‌رۆك نێچیرڤان بارزانى دووپاتى كرده‌وه كه "عێراق و هه‌رێمى كوردستان چاویان له ڕۆڵ و پشتگیریى زیاترى ئه‌ڵمانیایه له هه‌موو بواره‌كاندا، به‌تایبه‌تى له یارمه‌تیدان بۆ به‌ره‌نگاربوونه‌وه‌ى ئاڵنگارییه‌كانى به‌رده‌م عێراق له هه‌مه‌جۆركردنى ئابوورى و پاراستنى سه‌قامگیرى و ڕووبه‌ڕووبوونه‌وه‌ى مه‌ترسییه‌كانى گۆڕانى كه‌شوهه‌وا."
ڕاگەیێندراوەکە دەڵێت، ئۆلاف شۆڵتز ڕاوێژكارى ئه‌ڵمانیا "سوپاسى سه‌رۆك نێچیرڤان بارزانى كرد بۆ سه‌ردانه‌كه‌ى و به ده‌رفه‌تێكى گرنگى زانى بۆ ئاڵوگۆڕكردنى بیروڕا ده‌رباره‌ى پرسه هاوبه‌شه‌كان، هه‌روه‌ها سوپاس و پێزانینى بۆ ڕۆڵى هه‌رێمى كوردستان له به‌ره‌نگاربوونه‌وه و تێكشكاندنى داعش و یارمه‌تیدان و حه‌واندنه‌وه‌ى لێقه‌وماوان ده‌ربڕى و دووپاتى كرده‌وه كه وڵاته‌كه‌ى به بایه‌خه‌وه له په‌یوه‌ندییه‌كانى له‌گه‌ڵ عێراق و هه‌رێمى كوردستان و ئارامى و سه‌قامگیرییان ده‌ڕوانێت."
هه‌روه‌ها ڕاوێژکارى ئەڵمانیا جه‌ختى له "به‌رده‌وامیى پشتگیریى ئه‌ڵمانیا له عێراق و هه‌رێمى كوردستان كرده‌وه و ئاماده‌ییى وڵاته‌كه‌ى نیشان دا بۆ هاریكاریى هاوبه‌ش له بواره جیاكاندا، به‌تایبه‌تى له بوارى ئابوورى و وزه و ئه‌و كه‌رتانه‌‌ی بۆ هه‌ردوولا گرنگن."
پرسى كۆچ و كۆچبه‌ران، دۆخى ناوچه‌كه به‌گشتى و چه‌ند بابه‌تێكى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوو به‌ڕێزان باڵیۆزى عێراق و نووێنه‌ری حكوومه‌تی هه‌رێمی كوردستان له به‌رلین ئاماده‌ى بوون.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment