"حكومه‌تى چوارچێوه‌ى هاوئاهه‌نگى نه‌وت بۆ ئیسرائیل ده‌نێرێت"
نوچه‌نێت
مه‌دا له راپۆرتێكدا كه دوێنێ یه‌كشه‌ممه 29/كانوونى دووه‌م/2023 بڵاویكردووه‌ته‌وه، باس له‌وه ده‌كات حكومه‌تى سوودانى و چوارچێوه‌ى هاوئاهه‌نگى پێنج سیاسه‌تى مسته‌فا كازمى سه‌رۆك وه‌زیرانى پێشووى عێراق دووباره ده‌كه‌نه‌وه، كه‌چى پێشتر خۆیان به بیانووى جیاواز ره‌خنه‌یان لێده‌گرت.
یه‌كێك له‌و پڕۆژانه راكێشانى بۆڕى نه‌وته له به‌سڕه‌وه بۆ به‌نده‌رى عه‌قه‌به‌ى ئوردنى، كه پێشتر له سه‌رده‌مى كازمى پلانى بۆ داڕێژرا بوو، ئێستا سوودانى كۆبوونه‌وه‌ى له‌گه‌ڵ لایه‌نى ئوردنى كردووه و ده‌ست به پڕۆژه‌كه ده‌كرێته‌وه، كه تێچووه‌كه‌ى نزیكه‌ى هه‌شت ملیار دۆلاره.
مه‌دا باس له‌وه ده‌كات لایه‌نه‌كانى شیعه پێشتر هه‌ڕه‌شه‌یان له كازمى ده‌كرد و پێیانوابوو ئه‌مه به‌شێكه له ئاساییكردنه‌وه‌ى په‌یوه‌ندى له‌گه‌ڵ ئیسرائیل، ته‌نانه‌ت رۆژنامه عێراقییه‌كه وته‌ى سوودانى بڵاوكردووه‌ته‌وه كه ئه‌و كات په‌رله‌مانتار بوو دژایه‌تى پڕۆژه‌كه ده‌كات، به بیانووى ئه‌وه‌ى حكومه‌تى كازمى كاربه‌ڕێكه‌ره نابێت ئه‌و پڕۆژه‌یه ئه‌نجام بدات.
رۆژنامه‌ى مه‌دا جیا له‌و پڕۆژه‌یه چوار سیاسه‌تى تر ده‌ژمێرێ كه چوارچێوه‌ى هاوئاهه‌نگى دووباره‌یان ده‌كاته‌وه، یه‌كێكیان به‌رزى نرخى دۆلاره، دووه‌میان دانوستاندنى نێوان سعوودیه و ئێرانه، ئه‌وانى تریش په‌یوه‌ندییان به هاوپه‌یمانێتى له‌گه‌ڵ فه‌ڕه‌نسا و مانه‌وه‌ى هێزه‌كانى ئه‌مریكاوه هه‌یه.
له نیسانى 2013 عێراق و ئوردن بۆ یه‌كه‌م جار له سه‌ر راكێشانى نه‌وتى به‌سڕه بۆ به‌نده‌رى عه‌قه‌به‌ى ئوردنى له‌سه‌ر ده‌ریاى سوور رێككه‌وتن. تێچووى پڕۆژه‌كه به 18 ملیار دۆلار خه‌ملێنرا. دواتر چه‌ندان جار بیر له زیندووكردنه‌وه‌ى پڕۆژه‌كه كراوه‌ته‌وه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment